రాహుల్​కు నిరాశ మిగిల్చింది అదొక్కటేనట!

ప్రపంచకప్​ సెమీస్​లో పరాజయం పొందటం జట్టును ఇప్పటికీ వెంటాడుతుందని టీమ్​ఇండియా ఓపెనర్​ కెఎల్​ రాహుల్​ అన్నాడు. గ్రూప్​ దశలో అన్ని విజయాలను అందుకున్నా.. కివీస్​పై ఓటమి చెందటం కలచివేసిందని తెలిపాడు.

2019 ప్రపంచకప్​లో పరాజయం పొందటం జట్టును కలచివేసిందని టీమ్​ఇండియా ఓపెనర్​ కెఎల్​ రాహుల్​ అన్నాడు. గ్రూప్​ దశలో అత్యుత్తమ ప్రదర్శన తర్వాత సెమీస్​లో వెనుదిరిగిన పరిస్థితి మమ్మల్ని ఇప్పటికీ వెంటాడుతోందని తెలిపాడు. ఇటీవలే ఓ ఆన్​లైన్​ చాట్​ సెషన్​లో పాల్గొన్న రాహుల్​ పలు ప్రశ్నలకు సమాధానమిచ్చాడు.

గతంలో ఏదైనా మ్యాచ్​ ఫలితాన్ని మార్చే అవకాశం వస్తే ఏంచేస్తావు? అని రాహుల్​ను అడిగిన ప్రశ్నకు సమాధానమిచ్చాడు.

"అది కచ్చితంగా ప్రపంచకప్​ సెమీఫైనల్​ను మార్చాలనుకుంటున్నాను. కొన్నిసార్లు అది జట్టును ఇప్పటికీ వెంటాడుతోంది. ​గ్రూప్​ దశలో ఉత్తమంగా ఆడినా.. సెమీస్​లో వెనుదిరగటం బాధాకరంగా ఉంది. నేను ఇప్పటికీ కొన్నిసార్లు ఆ పీడకల నుంచి మేల్కొంటాను".

-- కెఎల్​ రాహుల్​, టీమ్ఇండియా ఓపెనర్​

కరోనా లాక్​డౌన్​ కారణంగా ప్రస్తుతం ఇతర క్రీడాకారుల మాదిరిగానే ఆట నుంచి విశ్రాంతి తీసుకుంటూనే ఆటపై కొంత హోంవర్క్​ చేస్తున్నట్టు తెలిపాడు. 2019 ప్రపంచకప్​ గ్రూప్​ దశలో భారత్​ అత్యంత ఆధిపత్యం కొనసాగిస్తూ.. ఆతిథ్య ఇంగ్లాండ్​ జట్టుతో సహా అన్ని మ్యాచ్​ల్లో విజయం సాధించింది. అవరోధాలను అవలీలగా దాటుకొని సెమీస్​కు చేరిన టీమ్​ఇండియా 18 పరుగుల తేడాతో న్యూజిలాండ్​పై పరాజయం చవిచూసింది.

ఇదీ చూడండి.. సెంచరీలు సాధించిన బ్యాట్​లు వేలానికి!