సఫారీలతో మ్యాచ్​లో బంగ్లాదేశ్​ రికార్డులు

ఓవల్​లో దక్షిణాఫ్రికాతో మ్యాచ్​లో బంగ్లాదేశ్​ పలు రికార్డులు నెలకొల్పింది. వన్డేల్లో అత్యధిక స్కోరు, ప్రపంచకప్​లో తమ జట్టు తరఫున మూడో వికెట్​కు అత్యుత్తమ భాగస్వామ్యం నమోదు చేసింది.

అంచనాల్లేకుండా ప్రపంచకప్​ బరిలో నిలిచిన బంగ్లాదేశ్​ తొలి మ్యాచ్​లోనే రికార్డులు నెలకొల్పింది. ఆదివారం ఓవల్​లో దక్షిణాఫ్రికాతో మ్యాచ్​లో 50 ఓవర్లలో 330 పరుగులు చేసిన బంగ్లా బ్యాట్స్​మెన్.. వన్డేల్లో అత్యధిక స్కోరు నమోదు చేశారు.

మూడో వికెట్​కు 142 పరుగుల భాగస్వామ్యాన్ని నమోదు చేసింది బంగ్లాదేశ్. వరల్డ్​కప్​లో ఆ జట్టు తరఫున మూడో వికెట్​కు ఇదే అత్యుత్తమం. అంతకు ముందు 2015 ప్రపంచకప్​లో ఇంగ్లండ్‌తో మ్యాచ్‌లో మహ్మదుల్లా-ముష్ఫీకర్‌లు 141 పరుగుల భాగస్వామ్యాన్ని నెలకొల్పారు.

మూడో వికెట్​కు అత్యుత్తమ భాగస్వామ్యం నమోదు చేసిన ముష్ఫీకర్- షకీబల్ హసన్

ఈ మ్యాచ్​లో 75 పరుగులు చేశాడు షకిబుల్ హసన్. ప్రపంచకప్​లో మూడో స్థానంలో దిగి దక్షిణాఫ్రికాపై అత్యధిక వ్యక్తిగత స్కోరు చేసిన బంగ్లా బ్యాట్స్​మెన్​గా షకిబుల్​ రికార్డు నెలకొల్పాడు.

ఇప్పటివరకు జరిగిన ప్రపంచకప్​లో 50 ఓవర్ల పాటు ఆడిన రెండో జట్టు బంగ్లాదేశ్. తొలి మ్యాచ్​లో ఇంగ్లాండ్​ మాత్రమే నిర్ణీత ఓవర్ల పాటు బ్యాటింగ్​ చేసింది. మిగతా జట్లన్ని 40 ఓవర్లలోపే మ్యాచ్​ను ముగించాయి.

ఇది చదవండి: సత్తా చాటిన బంగ్లా- దక్షిణాఫ్రికా లక్ష్యం 331