WC19: హమ్మయ్య.. గెలుపు కివీస్​దే..!

మాంచెస్టర్​లో వెస్టిండీస్​పై 5 పరుగుల తేడాతో న్యూజిలాండ్​ గెలిచింది. పాయింట్ల పట్టికలో అగ్రస్థానానికి చేరుకుంది.​ చివరి వరకు నువ్వా నేనా అన్నట్లు సాగింది ఈ మ్యాచ్​. సెంచరీతో ఆకట్టుకున్న విలియమన్స్ ప్లేయర్ ఆఫ్ ది మ్యాచ్​గా నిలిచాడు.

చివరి వరకు ఉత్కంఠగా సాగిన ఈ ప్రపంచకప్ మ్యాచ్​లో ​వెస్టిండీస్​పై 5 పరుగులు తేడాతో గెలిచింది న్యూజిలాండ్. ఛేదనలో విండీస్ ఆల్​రౌండర్ బ్రాత్​వైట్​ శతకం చేసిన ఫలితం లేకపోయింది. ఈ ఓటమితో సెమీస్​ రేసు నుంచి వైదొలగింది కరీబియన్ జట్టు.

గెలిచిన ఆనందలో కివీస్ జట్టు

టాస్ ఓడిన బ్యాటింగ్​కు దిగిన కివీస్.. నిర్ణీత ఓవర్లలో 8 వికెట్ల నష్టానికి 291 పరుగులు చేసింది. అద్భుతంగా ఆడిన కెప్టెన్ విలియమ్సన్ 148 పరుగులు వీరోచిత ఇన్నింగ్స్ ఆడాడు. రాస్ టేలర్ 69 పరుగులు చేశాడు. విండీస్ బౌలర్లలో కాట్రెల్ 4, గేల్ 1, బ్రాత్​వైట్ 2 వికెట్లు తీశారు.

న్యూజిలాండ్ కెప్టెన్ విలియమ్సన్

292 లక్ష్యంతో బరిలోకి దిగిన వెస్టిండీస్ జట్టులో గేల్ 87, హెట్​మయిర్ 54 పరుగులు చేశారు. 164 పరుగులకు ఏడు వికెట్లు కోల్పోయిన దశలో క్రీజులోకి వచ్చిన బ్రాత్​వైట్ జట్టును గెలిపించే స్థితికి చేర్చాడు. 7 బంతుల్లో 6 పరుగులు చేయాల్సిన దశలో క్యాచ్​ ఔట్ అయ్యాడు. ఈ క్రమంలో సెంచరీ నమోదు చేశాడు.

కార్లోస్ బ్రాత్​వైట్

కివీస్ బౌలర్లో బౌల్ట్ 4, ఫెర్గుసన్ 3, హెన్రీ, నీషమ్, గ్రాండ్​హామ్ తలో వికెట్ దక్కించుకున్నాడు.

ఇది చదవండి: అమ్మో అఫ్గాన్​- ఉత్కంఠ పోరులో భారత్​ గెలుపు