'ఆర్చర్​తో స్నేహం ఆఫ్​ఫీల్డ్​కే పరిమితం'

ఇంగ్లాండ్​ పేసర్​ జోఫ్రా ఆర్చర్​, తనకు మధ్య స్నేహం అనే పదానికి చోటే లేదన్నాడు వెస్టిండీస్​ సారథి జాసన్​ హోల్డర్. ఇంగ్లీష్​ జట్టుపై గెలవడమే తమ లక్ష్యమని తెలిపాడు.

మైదానం వెలుపల ఇంగ్లాండ్​ పేసర్ జోఫ్రా ఆర్చర్​తో ఎంతటి స్నేహబంధం ఉన్నా.. అది ఆఫ్​ఫీల్డ్​కే పరిమితమని తెలిపాడు వెస్టిండీస్​ సారథి జాసన్​ హోల్డర్​. ప్రత్యర్థి జట్టులోని ఆటగాడిలా మాత్రమే అతడిని పరిగణిస్తామని చెప్పాడు. ఇటీవల పేసర్ కీమర్​ రోచ్​ కూడా ఇదే విధంగా స్పందించాడు. జూన్​ 8 నుంచి ఇంగ్లాండ్​, వెస్డిండీస్​ మధ్య ద్వైపాక్షిక సిరీస్​ జరగనున్న నేపథ్యంలో ఈ వ్యాఖ్యలు చేశారు కీమర్​ రోచ్​, జాసన్​ హోల్డర్​.

"మైదానం వెలుపల ఆర్చర్​తో స్నేహం ఉన్నప్పటికీ, సిరీస్​ ప్రారంభమైన తర్వాత ఆ పదానికి చోటివ్వం. ఇటీవల రోచ్​ కూడా ఇదే విషయాన్ని మీకు చెప్పాడు. నేను అతని మాటలను సమర్థిస్తున్నా. ఎందుకంటే ఆర్చర్​ కూడా మాతో ఇలానే ప్రవర్తిస్తాడు. "

-జాసన్​ హోల్డర్​, వెస్టిండీస్​ సారథి.

ఇరువురి మధ్య జరగబోయే ద్వైపాక్షిక సిరీస్​లో స్నేహానికి తావు లేదన్నాడు కీమర్​ రోచ్​. కేవలం ఇంగ్లీష్​ జట్టును ఓడించడమే తమ లక్ష్యమని తెలిపాడు.

కీమర్​ రోచ్​

ఇంగ్లాండ్​, వెస్టిండీస్​ మధ్య మూడు టెస్టుల ద్వైపాక్షిక సిరీస్​ జులై 8 నుంచి ప్రారంభంకానుంది. ప్రేక్షకులు లేకుండానే ఈ సిరీస్​ నిర్వహిస్తున్నారు. జులై 8 నుంచి 12 వరకు తొలి టెస్టు జరగనుంది. అనంతరం ఎమిరేట్స్​ ఓల్డ్​ ట్రాఫోర్డ్​ వేదికగా జులై 16 నుంచి 20, 24 నుంచి 28 వరకు రెండు, మూడు టెస్టులు జరుగుతాయి.

జోఫ్రా ఆర్చర్​

ఇది చూడండి : 'ఈసారి స్నేహానికి చోటు లేదు.. యుద్ధమే'