హామిల్టన్ వేదికగా జరిగిన తొలి వన్డేలో న్యూజిలాండ్ అద్భుత విజయం సాధించింది. భారత్ నిర్దేశించిన 348 పరుగుల లక్ష్యాన్ని ఛేదించి 4 వికెట్ల తేడాతో గెలిచింది. సీనియర్ బ్యాట్స్మన్ రాస్ టేలర్ సెంచరీతో ఆకట్టుకున్నాడు. కెరీర్లో 21వ శతకం నమోదు చేసి, తమ జట్టును 1-0 ఆధిక్యంలోకి వెళ్లడంలో కీలక పాత్ర పోషించాడు. ఈ క్రమంలోనే నాలుగో స్థానంలో అత్యధిక సెంచరీలు చేసిన బ్యాట్స్మన్గా నిలిచాడు.
నాలుగులో అత్యధిక సెంచరీలు చేసిన బ్యాట్స్మెన్
- రాస్ టేలర్-19
- ఏబీ డివిలియర్స్-15
- అరవింద డిసిల్వా-10
- మహేలా జయవర్దనే-9 రాస్ టేలర్
టేలర్.. కివీస్ తరఫున వన్డేల్లో నాలుగు అత్యుత్తమ ఛేదనల్లో మూడుసార్లు భాగమయ్యాడు. అందులో మూడుసార్లు ఇతడు శతకాలు చేయడం విశేషం. 2014 నుంచి నాలుగు అంతకంటే దిగువ స్థానాల్లో వచ్చి, ఏకంగా ఐదుసార్లు ఛేదనలో సెంచరీలు చేశాడు. అందుకే న్యూజిలాండ్ తరఫున అత్యుత్తమ బ్యాట్స్మన్గా నిలిచాడు. ఈ కాలవ్యవధిలో కివీస్కు చెందిన మరే ఇతర క్రికెటర్ కూడా కనీసం రెండు శతకాలైనా చేయకపోవడం టేలర్ సత్తా ఏంటో చెబుతోంది.