టీమిండియా కెప్టెన్ కోహ్లీ ముద్దుపేరు గురించి ప్రత్యేకంగా చెప్పాల్సిన పనిలేదు. అయితే తనను 'చీకూ' అని ఎందుకు పిలుస్తారు? మొదటగా ఎవరు అలా అన్నారు? తదితర విషయాల్ని ఇంగ్లాండ్ క్రికెటర్ పీటర్సన్తో జరిగిన వీడియో చాట్లో చెప్పాడు.
కోహ్లీకి 'చీకూ' అనే ముద్దుపేరు ఎలా వచ్చిందంటే? - క్రికెట్ వార్తలు
తన ముద్దు పేరు వెనకున్న రహస్యాన్ని కోహ్లీ వెల్లడించాడు. ధోనీ వల్లే ఇది అందరికీ తెలిసిందని చెప్పాడు. అందుకు సంబంధించిన పూర్తి వివరాల్ని పంచుకున్నాడు.
విరాట్ కోహ్లీ
తను 'చీకూ' అనే పేరుతో పాపులర్ కావడానికి కారణం మాజీ కెప్టెన్ ధోనీ అని చెప్పాడు కోహ్లీ. వికెట్ల వెనక నుంచి తరుచుగా అలా పిలవడం, మైక్లో రికార్డవడం వల్ల అందరికీ తెలిసిందని అన్నాడు. అయితే ఈ పేరు పెట్టింది తన కోచ్ అని తెలిపాడు.
'రంజీ ట్రోఫీ ఆడుతున్న సమయంలో నాకు బుగ్గలు బాగా ఉండేవి. అప్పట్లో కొత్త హెయిర్ స్టైల్ కోసం ప్రయత్నించడం వల్ల చెవులు, చెంపలు మాత్రమే కనిపించేవి. దీంతో కార్టూన్ పాత్ర చీకూ పేరును కోచ్ నాకు పెట్టేశారు. అప్పటి నుంచి అంతా అలా పిలవడం మొదలుపెట్టారు' -కోహ్లీ, టీమిండియా కెప్టెన్