పొట్టి క్రికెట్లో ఇటీవలే పునరాగమనం చేసిన టీమిండియా ఓపెనర్ పృథ్వీషా... ఆటతో కాకుండా తను ఉపయోగిస్తున్న బ్యాట్తో వార్తల్లో నిలిచాడు. ప్రస్తుతం సయ్యద్ ముస్తాక్ అలీ టీ20 టోర్నమెంట్‌లో ఆడుతున్న అతడు... ముంబయి జట్టుకు ఓపెనర్గా ఆడుతున్నాడు. తాజాగా ఈ ఆటగాడికి చెందిన బ్యాట్ను ట్విట్టర్లో పోస్ట్‌ చేసింది బీసీసీఐ.
పృథ్వీషా బ్యాట్పై ఆ సంతకం ఎవరిది..?
యువ క్రికెటర్ పృథ్వీషా బ్యాట్ నెట్టింట వైరల్గా మారింది. ప్రస్తుతం ముస్తాక్ అలీ టీ20 టోర్నీలో ఆడుతున్న ఈ ఆటగాడు... తాజాగా జరిగిన ఓ మ్యాచ్లో సంతకంతో ఉన్న బ్యాట్తో బరిలోకి దిగాడు. ఈ ఫొటోను బీసీసీఐ తన అధికారిక ట్విట్టర్లో పోస్టు చేయగా... ఆ సంతకం ఎవరిదన్నది చర్చనీయాంశంగా మారింది.
పృథ్వీ బ్యాట్పై ఆ సంతకం ఎవరిది..?
భారత క్రికెట్ బోర్డు షేర్ చేసిన ఫొటోలో..." ప్రియమైన ఫృథ్వీ, ఆటను ఆస్వాదించు. గుడ్ లక్" అనే సందేశంతో ఓ వ్యక్తి సంతకం ఉంది. ఆ ట్వీట్ చూసిన నెటిజన్లు విపరీతంగా స్పందిస్తున్నారు. విరాట్ కోహ్లీ అని కొందరు, వినోద్ కాంబ్లీ అని మరికొందరు సమాధానమిస్తున్నారు.
గతంలో డోపింగ్‌ పరీక్షలో విఫలమైన పృథ్వీషాను బీసీసీఐ ఎనిమిది నెలలు సస్పెండ్ చేసింది. నవంబర్‌ 15న అతడిపై సస్పెన్షన్‌ తొలగిపోయింది. ఆ తర్వాత రీఎంట్రీ మ్యాచ్లోనే 39 బంతుల్లోనే 63 పరుగులు బాదాడు. ఇప్పటికే ఈ టోర్నీలో ఐదు ఇన్నింగ్స్ల్లో మూడు అర్ధశతకాలు(53, 64, 63) సాధించాడు పృథ్వీషా.