యాషెస్ నాలుగో టెస్టులో డబుల్ సెంచరీ చేసిన ఆసీస్ ఆటగాడు స్టీవ్ స్మిత్పై ప్రశంసల వర్షం కురుస్తోంది. ఇప్పటికే ఈ సిరీస్లో రెండు శతకాలు, ఒక అర్ధశతకం సాధించాడు. 147.25 సగటుతో రాణిస్తున్నాడు.
ఏడాది నిషేధం తర్వాత సుదీర్ఘ ఫార్మాట్లో పునరాగమనం చేసిన స్మిత్.. ఇటీవలే ఐసీసీ ప్రకటించిన టెస్టు ర్యాంకింగ్స్లో అగ్రస్థానం కైవసం చేసుకున్నాడు. కోహ్లీ 25 శతకాల రికార్డును అధిగమించాడు. ఇప్పుడు కోహ్లీ, స్మిత్లలో ఎవరు గొప్ప అనే విషయం చర్చనీయాంశమైంది. తాజాగా ఈ ప్రశ్నపై స్పందించాడు ఆస్ట్రేలియా దిగ్గజ క్రికెటర్ షేన్ వార్న్. విరాట్ తన అభిమాన క్రికెటర్ అని చెప్పిన షేన్... టెస్టుల్లో మాత్రం స్మిత్ పేరు సూచిస్తానని అభిప్రాయం వ్యక్తం చేశాడు.