భారత్తో జరుగుతున్న తొలి టెస్టులో ఇంగ్లాండ్ కెప్టెన్ జో రూట్ ద్విశతకంతో చెలరేగిపోయాడు. ఇది అతడికి 100వ టెస్టు. చరిత్రలో 100వ టెస్టులో ద్విశతకం బాదిన తొలి క్రికెటర్ అతడే. టీమ్ఇండియా బౌలర్లను ముప్పు తిప్పలు పెడుతూ 377 బంతుల్లో 218 పరుగులు చేశాడు రూట్. అశ్విన్ బౌలింగ్లో సిక్సర్ బాది తన 5వ ద్విశతకాన్ని సాధించాడు.
సర్ బ్రాడ్మన్@1
అత్యధిక డబుల్ సెంచరీలు సాధించిన జాబితాలో ఆల్టైమ్ గ్రేట్, ఆస్ట్రేలియా దిగ్గజం సర్ డాన్ బ్రాడ్మన్ ఉన్నారు. ఆయన ఆడిన 52 మ్యాచుల్లో 12 ద్విశతకాలు సాధించారు. కెరీర్లో అసాధారణ సగటు 99.94తో 6,996 పరుగులు సాధించారు బ్రాడ్మన్. అందులో 29 శతకాలు, 13 అర్ధ శతకాలున్నాయి.