టీమిండియా క్రికెటర్లలో యజ్వేంద్ర చాహల్కు చమత్కారం కొంచెం ఎక్కువ. మ్యాచ్లు జరుగుతున్నప్పుడు, జట్టుతో ప్రయాణిస్తున్నప్పుడు.. ఇలా సమయమేదైనా 'చాహల్ టీవీ' పేరుతో సహచరులతో ఇంటర్వ్యూలు, వీడియోలు చేస్తుంటాడు. వారితో పాటే అభిమానుల్ని నవ్విస్తుంటాడు. ఇప్పుడు మాత్రం మాజీ కెప్టెన్ మహేంద్ర సింగ్ ధోనీ గురించి మాట్లాడుతూ భావోద్వేగానికి లోనయ్యాడు. తను లేని లోటు తెలుస్తుందని, మహీ భాయ్ను చాలా మిస్సమవుతున్నామని అన్నాడు.
'మహీ భాయ్ను జట్టు చాలా మిస్సవుతుంది'
సీనియర్ క్రికెటర్ ధోనీని.. భారత క్రికెట్ జట్టు చాలా మిస్సవుతుందని అన్నాడు స్పిన్నర్ చాహల్. ప్రస్తుతం ఈ వీడియో వైరల్గా మారింది.
మహేంద్ర సింగ్ ధోనీ
ప్రస్తుతం న్యూజిలాండ్ పర్యటనలో ఉంది భారత్. ఐదు టీ20ల సిరీస్లో, ఇప్పటికే 2-0 ఆధిక్యంలో ఉంది. మూడో మ్యాచ్ కోసం హామిల్టన్ చేరుకుంది. ఈ ప్రయాణంలో భాగంగానే చాహల్ ఈ వీడియోను చిత్రీకరించాడు. అయితే ధోనీని.. తమ జట్టంతా మిస్సవుతోందని చెప్పాడు. ప్రయాణంలో ధోనీ.. ఎప్పుడూ బస్సు చివరిభాగంలోని ఓ మూలకు ఉన్న సీట్లో కూర్చొనేవాడని, ప్రస్తుతం ఆ చోటును అతడి జ్ఞాపకార్థం ఖాళీగా ఉంచామన్నాడు చాహల్.
గతేడాది జరిగిన ప్రపంచకప్లోని న్యూజిలాండ్తో సెమీస్ ఆడిన ధోనీ.. ఆ తర్వాత నుంచి జట్టుకు దూరంగా ఉంటున్నాడు. ప్రస్తుతం కుటుంబంతో కలిసి సమయాన్ని ఆస్వాదిస్తున్నాడు. ఇటీవలే బీసీసీఐ వార్షిక కాంట్రాక్టు నుంచి మహీ పేరు తొలిగించడం వల్ల అతడి రిటైర్మెంట్పై ఊహాగానాలు వెలువడ్డాయి.
Last Updated : Feb 28, 2020, 6:08 AM IST