టేబుల్ టెన్నిస్ ఆడిన ధనాధన్ ధోనీ​

దీపావళి పండుగను పురస్కరించుకుని ఐపీఎల్ ఫ్రాంఛైజీ చెన్నై సూపర్ కింగ్స్ ఓ వీడియోను అభిమానులతో పంచుకుంది. ఇందులో బ్రావోతో కలిసి ధోనీ టేబుల్ టెన్నిస్ ఆడుతూ కనిపించాడు.

దీపావళి పండుగను పురస్కరించుకుని ఐపీఎల్ ఫ్రాంఛైజీ చెన్నై సూపర్ కింగ్స్​ ట్విట్టర్​లో ఓ వీడియోను షేర్ చేసింది. ఇదికాస్తా వైరల్​గా మారింది. అందుకు కారణం ఏంటంటే ఈ వీడియోలో ధోనీ.. విండీస్ ఆటగాడు బ్రావోతో కలిసి టేబుల్ టెన్నిస్ ఆడుతూ కనిపించడం

క్రికెటర్​గా మారడానికి ముందు ధోనీ తన కెరీర్‌ను ఫుట్‌బాల్ గోల్​కీపర్​తో ప్రారంభించాడు. గోల్ఫ్​లోనూ మంచి ప్రావీణ్యం ఉంది. ఇదే వీడియోలో మరో క్రికెటర్ రవీంద్ర జడేజా బిలియర్డ్స్​ ఆడుతూ కనిపించాడు.

ప్రపంచకప్​ తర్వాత నుంచి జట్టుకు దూరంగా ఉంటున్నాడు ధోనీ. రెండు నెలలు ఆర్మీలో సేవలందించిన ఈ సీనియర్ క్రికెటర్ ఆ తర్వాత వ్యక్తిగత కారణాల వల్ల దక్షిణాఫ్రికా, బంగ్లాదేశ్​ సిరీస్​లకు దూరమయ్యాడు. ఈ కారణంగా త్వరలోనే మహీ రిటైర్మెంట్ ప్రకటిస్తాడన్న వార్తలు చక్కర్లు కొడుతున్నాయి.

ఇవీ చూడండి.. చిన్నారి అభిమానికి వార్నర్ అనుకోని బహుమతి