బాలీవుడ్​ పాటకు దిగ్గజ క్రికెటర్ స్టెప్పులు

వెస్టిండీస్​ దిగ్గజ క్రికెట్రర్​ సర్​ గ్యారీ సోబర్స్.. ఓ వివాహ వేడుకలో​ హిందీ పాటకు డ్యాన్స్ చేసి ఆకట్టుకున్నాడు. ఈ వీడియో ఇప్పుడు వైరల్​గా మారింది.

బాలీవుడ్​ పాటలకు విదేశీ క్రికెటర్లు చిందేయటం కొత్తేం కాదు. ఐపీఎల్​లోనే చాలాసార్లు ఆటగాళ్లంతా ఓచోట చేరి ఆడిపాడిన సంఘటలు జరిగాయి. ఇప్పుడు మాత్రం బార్బడోస్​లో జరిగిన ఓ వేడుకలో హిందీ పాటలకు స్టెప్పులేశాడు వెస్టిండీస్​ క్రికెట్​ దిగ్గజం సర్ గ్యారీ సోబర్స్. ఈ వీడియోను ఓ వ్యక్తి తన ట్విట్టర్​లో పంచుకున్నాడు.

బార్బడోస్​లో భారతీయ ఓ వివాహ వేడుకకు హాజరైన సోబర్స్​.. అనంతరం జరిగిన సంగీత్​లో డాన్స్​ చేసి అలరించాడు. 'జియా హో జియా కుచ్​ బోల్​ దో' అనే హిందీ పాటకు చిందేశాడు. అతడితో పాటు మరికొందరు వ్యక్తుల కలిసి నృత్యం చేస్తున్నట్లు ఈ వీడియోలో కనిపిస్తోంది.

ఇదీ చూడండి.. పరమ శివుడి సేవలో బాలీవుడ్​ క్వీన్​ కంగనా