ఆస్ట్రేలియాతో రెండో టెస్టు కోసం తాత్కాలిక కెప్టెన్ రహానెకు రహస్య సందేశాన్ని పంపాడు మాజీ క్రికెటర్ వసీమ్ జాఫర్. ఈ మేరకు ఓ ట్వీట్ చేసి, దీన్ని డికోడ్ చేయాలని సూచించాడు. పితృత్వ సెలవులపై కోహ్లీ స్వదేశానికి రానున్న కారణంగా రహానె సారథిగా వ్యవహరించనున్నాడు.
గిల్, రాహల్ను ఎంచుకో
వసీం పంపిన ఆ వరుస పదాల్లోని తొలి అక్షరాలను కలిపితే 'పిక్ గిల్ అండ్ రాహుల్(గిల్, రాహుల్ను ఎంచుకో)' అని ఆ ట్వీట్లో ఉన్నట్లు నెటిజన్లు కామెంట్లు పెడుతున్నారు.
ఇప్పటికే రెండో టెస్టులో టీమ్ఇండియాలో పలు మార్పులు చేయనున్నట్లు తెలుస్తోంది. కోహ్లీ స్థానంలో కేఎల్ రాహుల్, సాహాకు బదులు పంత్‌, పృథ్వీ స్థానంలో శుభ్‌మన్‌గిల్‌, షమికి గాయం కావడం వల్ల సిరాజ్‌ తుదిజట్టులో ఉండనున్నారని సమాచారం.
తొలి టెస్టులో టీమ్ఇండియా, ఆసీస్ చేతిలో దారుణంగా ఓడిపోయింది. ఈ నేపథ్యంలో రెండో టెస్టుకు పగ్గాలు చేపట్టబోతున్న రహానెకు పలువురు మాజీలు సలహాలు, సూచనలు ఇస్తున్నారు.
ఇదీ చూడండి : ఆసీస్తో రెండో టెస్టుకు టీమ్ఇండియాలో మార్పులు!