బ్రాడ్​ చేతిలో వార్నర్​ హ్యాట్రిక్​ డకౌట్​

ఆస్ట్రేలియా ఓపెనర్​ డేవిడ్​ వార్నర్​ యాషెస్​ సిరీస్​లో దారుణంగా విఫలమవుతున్నాడు. బాల్​ టాంపరింగ్​ వివాదంతో ఏడాది క్రికెట్​కు దూరమైన ఈ ఆటగాడు.. ఐపీఎల్​, ప్రపంచకప్​లో అదరగొట్టాడు. కానీ టెస్టు​ల్లో మాత్రం నిరాశపరుస్తున్నాడు.

ఐపీఎల్​, ప్రపంచకప్​లో సత్తాచాటిన వార్నర్​ యాషెస్​లో పేలవ ప్రదర్శన కనబరుస్తున్నాడు. వరుసగా మూడు సార్లు డకౌట్​ అయ్యాడు. ఈ సిరీస్​లో ఆరుసార్లు ఇంగ్లాండ్​ బౌలర్​ స్టువర్ట్​ బ్రాడ్​ చేతిలో ఖంగుతిన్నాడు​.

ట్రాక్​ రికార్డు...

1. తొలి టెస్టు రెండు ఇన్నింగ్స్​ల్లో 2, 8 పరుగులు చేసిన ఆసీస్​ బ్యాట్స్​మెన్​ వార్నర్​ను.. ఇంగ్లాండ్​ పేసర్​​ బ్రాడ్​ పెవిలియన్ చేర్చాడు.
2. రెండో టెస్టులో 3, 5 పరుగులు చేసిన ఈ బ్యాట్స్​మెన్​.. తొలి ఇన్నింగ్స్​లో బ్రాడ్​కు, రెండో ఇన్నింగ్స్​లో ఆర్చర్​కు చిక్కాడు.
3. మూడో టెస్టు మొదటి ఇన్నింగ్స్​లో 61 పరుగులు చేసి కాస్త ఫర్వాలేదనిపించినా మళ్లీ ఆర్చర్​ బౌలింగ్​లో ఖంగుతిన్నాడు. అయితే రెండో ఇన్నింగ్స్​లో బ్రాడ్​ బౌలింగ్​లో డకౌట్ అయ్యాడు.
4. నాలుగో టెస్టు రెండు ఇన్నింగ్స్​ల్లోనూ బ్రాడ్​ బౌలింగ్​లోనే డకౌటై నిరాశపర్చాడు.

ప్రస్తుతం జరుగుతున్న యాషెస్​లో మొత్తం 79 పరుగులు మాత్రమే చేశాడీ ఆసీస్​ ఓపెనర్​. ఇప్పటివరకు 78 టెస్టులు ఆడిన వార్నర్​ 46.01 సగటుతో 6వేల 442 పరుగులు చేశాడు.

ఇదీ చూడండి...సఫారీలపై సిక్సర్ల వ్యూహానికి హార్దిక్ కసరత్తులు