ఆస్ట్రేలియాతో జనవరి 14 నుంచి జరగనున్న మూడు వన్డేల సిరీస్ ముందు కోహ్లీ మీడియాతో మాట్లాడాడు. ఈ కార్యక్రమంలో ఆసీస్తో పింక్ బాల్ టెస్టుపైనా పరోక్షంగా స్పందించాడు. ప్రపంచంలోని ఏ దేశంలోనైనా, ఏ జట్టుపైనైనా డే/నైట్ మ్యాచ్లు ఆడే సత్తా టీమిండియా సొంతమని అభిప్రాయపడ్డాడు. ఇప్పటికే గులాబి బంతితో టెస్టు మ్యాచ్లు ఆడాలని కోహ్లీ, బీసీసీఐని.. ఆస్ట్రేలియా ఆటగాళ్లు, మాజీలు ఎప్పట్నుంచో కవ్విస్తున్నారు.
ప్రస్తుతం భారత్ అన్ని విభాగాల్లో పటిష్టంగా ఉందన్నాడు. ఆస్ట్రేలియాతో తలపడటం అంటే అత్యుత్తమ జట్టుతో పోటీ అని అభిప్రాయపడ్డాడు విరాట్. అయితే కచ్చితంగా వారిని ఎదుర్కోగలమని ధీమా వ్యక్తం చేశాడు.
బుమ్రా బౌలింగ్లో ఔటయ్యా...
ఆస్ట్రేలియాతో సిరీస్ ముందు బుమ్రా ప్రదర్శనపైనా మాట్లాడాడు కోహ్లీ. ఇద్దరి మధ్య నెట్స్లో పోటీ ఉంటుదని చెప్పుకొచ్చాడు. అంతేకాకుండా ఓ ఆసక్తికర విషయాన్ని పంచుకున్నాడు.
"నాలుగేళ్లుగా బుమ్రా టీమిండియా తరఫున ఆడుతున్నాడు. అప్పట్నుంచి ఇద్దరి మధ్య స్వేహపూర్వక పోటీ మొదలైంది. నేను అతడి బౌలింగ్లో ఆడటాన్ని ఇష్టపడతాను. 2018 అడిలైడ్లో తొలిసారి నన్ను ఔట్ చేశాడు. మళ్లీ ఇప్పుడు ఆస్ట్రేలియా సిరీస్ ముందు ఔట్ చేశాడు. బుమ్రా మళ్లీ తన ఫామ్ అందుకోవడం సంతోషంగా ఉంది. అతడు అన్ని ఫార్మాట్లలో నైపుణ్యమున్న ప్రపంచ స్థాయి బౌలర్. నెట్స్లోనూ ఆటపై దీక్షగా ఉంటాడు. ఆటగాళ్లకు పదునైన బంతులు వేసి ఇబ్బంది పెట్టడానికి సంకోచించడు".
-- కోహ్లీ, టీమిండియా సారథి
టీ20 ప్రపంచకప్, టెస్టు ఛాంపియన్షిప్ దృష్టిలో పెట్టుకుని జట్టు మెరుగుపర్చుకునే దిశగా అడుగులేస్తున్నామని చెప్పాడు కోహ్లీ.
మంగళవారం నుంచి భారత్, ఆస్ట్రేలియా మధ్య మూడు వన్డేల సిరీస్ ప్రారంభం కానుంది. తొలి మ్యాచ్ వాంఖడే వేదికగా జరగనుంది. జనవరి 17న రాజ్కోట్, 19న బెంగళూరు వేదికగా మ్యాచ్లు జరగనున్నాయి.
