స్మిత్, కోహ్లీ మధ్య 'అగ్ర' వార్..

ఐసీసీ విడుదల చేసిన టెస్టు ర్యాంకింగ్స్​లో విరాట్ కోహ్లీ మరోసారి అగ్రస్థానానికి చేరువయ్యాడు. మొదటి ర్యాంకులో ఉన్న స్మిత్​కు విరాట్​కు మధ్య కేవలం ఒక పాయింట్​ మాత్రమే తేడా ఉంది.

దక్షిణాఫ్రికాతో జరిగిన రెండో టెస్టులో డబుల్ సెంచరీ(254)తో అదరగొట్టాడు టీమిండియా సారథి విరాట్ కోహ్లీ. ఫలితంగా ఐసీసీ టెస్టు ర్యాంకింగ్స్​లో మరోసారి అగ్రస్థానానికి చేరువయ్యాడు. మొదటి ర్యాంకులో ఉన్న ఆసీస్ ఆటగాడు స్మిత్​కు విరాట్​కు కేవలం ఒక పాయింట్ మాత్రమే తేడా ఉంది. మొదటి టెస్టు తర్వాత 900 పాయింట్ల దిగువకు పడిపోయిన కోహ్లీ రెండో మ్యాచ్​లో సత్తాచాటడం వల్ల 936 పాయింట్లకు చేరుకున్నాడు.

రెండు టెస్టుల్లోనూ సెంచరీతో అదరగొట్టిన ఓపెనర్ మయాంక్ అగర్వాల్ టాప్​-20లో చోటు దక్కించుకున్నాడు. ప్రస్తుతం 17వ స్థానంలో కొనసాగుతున్నాడు. ఇతడితో పాటు పుజారా (4), రహానే (9) టాప్​-10లో ఉన్నారు.

బౌలర్ల విభాగంలో స్పిన్నర్ అశ్విన్ మూడు స్థానాలు మెరుగుపర్చుకుని ఏడో ర్యాంకుకు చేరాడు. బుమ్రా మూడో స్థానంలో కొనసాగుతున్నాడు.

ఆల్​రౌండర్ల విభాగంలో రవీంద్ర జడేజా రెండో స్థానంలో ఉండగా వెస్టిండీస్ ఆటగాడు జాసన్ హోల్డర్ అగ్రస్థానంలో కొనసాగుతున్నాడు. అశ్విన్ ఐదో ర్యాంకుకు చేరాడు.

ఇవీ చూడండి.. భారత క్రికెటర్లపై సచిన్ తెందూల్కర్ ప్రశంసలు