సుందర్​, ఠాకూర్​పై ప్రశంసల వెల్లువ

ఆస్ట్రేలియాతో జరుగుతున్న నాలుగో టెస్టు తొలి ఇన్నింగ్స్​లో టీమ్​ఇండియా ఆటతీరును ప్రశంసిస్తున్నారు పలువురు మాజీలు, ప్రస్తుత క్రికెటర్లు. ముఖ్యంగా అర్ధసెంచరీలతో ఆకట్టుకున్న సుందర్​, శార్దుల్​ను పొగడ్తలతో ముంచెత్తుతున్నారు. సామాజిక మాధ్యమాల వేదికగా తమ అభిమానాన్ని చాటుకుంటున్నారు. ఇంతకీ ఎవరెవరు ఏమని ట్వీట్​ చేశారో చూద్దాం.

ఆస్ట్రేలియాతో జరుగుతున్న చివరిటెస్టు మొదటి ఇన్నింగ్స్‌లో అర్ధసెంచరీలతో ఆకట్టుకున్న లోయర్ ఆర్డర్ బ్యాట్స్‌మెన్‌లు శార్దుల్ ఠాకూర్, సుందర్‌లపై ప్రశంసలు వెల్లువెత్తుతున్నాయి. టాప్‌ ఆర్డర్ బ్యాట్స్‌మెన్‌లు తక్కువస్కోరుకే ఔటైనా పట్టుదలగా బ్యాటింగ్ చేసి జట్టు స్కోరును మూడోందలు దాటించిన ఈ జోడీపై తోటి క్రీడాకారులు, మాజీల నుంచి ప్రశంసలు వస్తున్నాయి. ఈ మ్యాచ్​ తొలిఇన్నింగ్స్​లో టీమ్​ఇండియా 336 పరుగులకు ఆలౌట్​ అయింది. ఫలితంగా ఆస్ట్రేలియాకు కేవలం 33 పరుగుల స్వల్ప ఆధిక్యం దక్కింది. ఇంతకీ ఎవరెవరు ఏమని ట్వీట్​ చేశారో చూద్దాం.

"టెస్టు క్రెకిట్​లో ఉన్న అసలైన వినోదం ఇదే. ఠాకూర్, సుందర్​లు అద్భుతంగా ఆడారు."

-కోహ్లీ, టీమ్​ఇండియా సారథి.

"టీమ్​ఇండియా ధైర్యాన్ని అభివర్ణించాలంటే ఉన్నది ఒక్కటే పదం.. అదే 'దబంగ్'​. సుందర్, ఠాకూర్​.'

-సెహ్వాగ్​, టీమ్ఇండియా మాజీ క్రికెటర్​.