ఈ దశాబ్దంలో విరాట్ కోహ్లీ సాధించిన ఘనతలు అన్నీ ఇన్నీ కావు. అందుకే ఈ ఏడాది విడుదల చేసిన ప్రతిష్టాత్మక విజ్డెన్ జట్లన్నింటిలో కోహ్లీ పేరుంది. తాజాగా విజ్డెన్ ఈ దశాబ్దపు టీ20 జట్టును ప్రకటించింది. ఇందులో భారత్ నుంచి కోహ్లీతో పాటు పేసర్ జస్ప్రీత్ బుమ్రా స్థానం సంపాదించాడు. ఆస్ట్రేలియా ఆటగాడు ఆరోన్ ఫించ్ కెప్టెన్గా ఎంపికయ్యాడు.
అయితే ఈ జట్టులో టీమిండియా స్టార్ క్రికెటర్లు మహేంద్ర సింగ్ ధోనీ, రోహిత్ శర్మలకు చోటు దక్కలేదు. 2016లో అరంగేట్రం చేసిన బుమ్రా స్థానం సంపాదించి ఔరా అనిపించాడు.
ఇప్పటికే విజ్డెన్.. ఈ దశాబ్దపు వన్డే,టెస్టు జట్లను ప్రకటించింది. ఈ రెండింటిలోనూ కోహ్లీ పేరుంది. దశాబ్దపు ఐదుగురు ఉత్తమ క్రికెటర్ల జాబితాలోను చోటు సంపాదించాడు విరాట్. ఇందులో కోహ్లీతో పాటు డేల్ స్టెయిన్, ఏబీ డివిలియర్స్, స్టీవ్ స్మిత్, మహిళా ఆల్రౌండర్ ఎలీస్ పెర్రీ ఉన్నారు.