రంజీల్లో వినయ్ కుమార్ సరికొత్త రికార్డు

ప్రస్తుతం రంజీల్లో ఆడుతున్న కర్ణాటక బౌలర్ వినయ్ కుమార్.. టోర్నీలో అత్యధిక వికెట్లు తీసిన పేసర్​గా నిలిచాడు. ప్రస్తుతం 412 వికెట్లతో టాప్​లో కొనసాగుతున్నాడు.

రంజీల్లో పేసర్ వినయ్ కుమార్ కొత్త చరిత్ర సృష్టించాడు. టోర్నీలో అత్యధిక వికెట్లు తీసిన పేసర్​గా ఘనత సాధించాడు. శనివారం మిజోరాంతో మ్యాచ్​లో మూడో వికెట్లు తీసి ఈ ఘనత సాధించాడు. ప్రస్తుతం వినయ్ ఖాతాలో 412 వికెట్లు ఉన్నాయి. ఇంతకు ముందు ఈ స్థానంలో ఉన్న పంకజ్ సింగ్(409 వికెట్లు)ను వెనక్కు నెట్టి టాప్​లోకి వచ్చాడీ బౌలర్.

ఇప్పటివరకు రంజీల్లో రాజీందర్ గోయెల్ అత్యధిక వికెట్లు తీశాడు. 637 వికెట్లతో ఎవరికీ అందనంత ఎత్తులో ఉన్నాడు. తర్వాతి స్థానంలో వెంకట్రాఘవన్(530) నిలిచాడు. వీరిద్దరి మధ్య అంతరం 107 వికెట్లు ఉండడం విశేషం. ఈ జాబితాలో వినయ్ కుమార్ ఏడో స్థానంలో ఉన్నాడు.

తొలి పది స్థానాల్లో ఉన్న బౌలర్లలో రాజీందర్, వెంకట్రాఘవన్, సునీల్ జోషీ, నరేంద్ర హిర్వాణీ, బీఎస్ చంద్రశేఖర్, వీవీ కుమార్, వినయ్ కుమార్, పంకజ్ సింగ్, సాయిరాజ్ బహుతులే, బిషన్ సింగ్ ఉన్నారు.

34 ఏళ్ల వినయ్ కుమార్.. తన కెరీర్​ను కర్ణాటక తరఫున 2004లో ప్రారంభించాడు. దాదాపు 15 సంవత్సరాలు అదే జట్టుకు ఆడాడు. మొత్తంగా 133 ఫస్ట్​క్లాస్ మ్యాచ్​ల్లో 474 వికెట్లు తీశాడు. 2010లో టీమిండియా తరఫున అరంగేట్రం చేశాడు వినయ్. ఓ టెస్టు, 31 వన్డేలు, 9 టీ20లు ఆడాడు.

ఇది చదవండి: 2019లో హిట్​మ్యాన్ 'రోహిత్​ శర్మ' బ్యాట్​ అద్భుతం చేసింది