శ్రీలంక క్రికెట్ జట్టు బౌలింగ్ కోచ్ చమిందా వాస్ తన పదవికి రాజీనామా చేశాడు. మూడు రోజుల కిందటే ఆయన ఈ పదవికి ఎంపిక అయ్యాడు. బోర్డుతో వచ్చిన విభేదాల కారణంగానే వాస్ ఈ నిర్ణయం తీసుకున్నట్లు తెలుస్తోంది.
వెస్టిండీస్ పర్యటన నిమిత్తం లంక జట్టు బయలుదేరే ముందు వాస్ తన రాజీనామాను సమర్పించాడు. "మేము అతని నిబంధనలతో అంగీకరించలేదు.. అందుకే అతడు రాజీనామా చేశాడు" అని శ్రీలంక క్రికెట్ బోర్డు సీనియర్ అధికారి పేర్కొన్నాడు.
"కరోనా వంటి విపత్కర పరిస్థితుల్లో వాస్ తన పారితోషికాన్ని పెంచాలని కోరాడు. అందుకు బోర్డు అంగీకరించలేదు. దీంతో అతడు బౌలింగ్ కోచ్ పదవికి రాజీనామా చేశాడు. సోమవారం రాత్రి లంక జట్టు వెస్టిండీస్ బయలుదేరాల్సి ఉంది. ఈ లోపు వాస్ తన నిర్ణయాన్ని ప్రకటించాడు" అని బోర్డు తెలిపింది.