గురువారం నరేంద్రమోదీ జాతినుద్దేశించి చేసిన ప్రసంగంలో మార్చి 22న ప్రజలంతా జనతా కర్ఫ్యూలో పాల్గొనాలని కోరారు. ఆ రోజంతా ఇంటికే పరిమితమవ్వాలని సూచించారు. దీన్ని సమర్ధిస్తూ పలువురు ప్రముఖులు సామాజిక మాధ్యమాల్లో ప్రచారం చేశారు. తాజాగా టీమిండియా మాజీ ఆటగాడు మహ్మద్ కైఫ్ ఈ విషయాన్ని ట్విట్టర్లో ప్రతిపాదించాడు. దీనికి ప్రధాని మోదీ స్పందించారు. మహ్మద్కైఫ్, యువరాజ్ పార్ట్నర్షిప్ లాగా ప్రజలంతా కరోనాపై పోరాటంలో భాగస్వామ్యం కావాలని కోరారు.
'కైఫ్, యువీ లాంటి భాగస్వామ్యం అవసరం' - నరేంద్ర మోదీ న్యూస్
మార్చి 22న ప్రజలంతా కలిసి జనతా కర్ఫ్యూను విజయవంతం చేయాలని టీమిండియా మాజీ క్రికెటర్ మహ్మద్ కైఫ్ ట్విట్టర్లో తెలిపాడు. ఈ పోస్ట్పై ప్రధాని మోదీ స్పందించారు. కరోనా నియంత్రణకు ప్రజలంతా కలిసి భాగస్వామ్యంగా మారాలని ఆయన కోరారు.
'కైఫ్, యువీ లాంటి భాగస్వామ్యం అవసరం'
2002లో జరిగిన నాట్వెస్ట్ సిరీస్ ఫైనల్లో మహ్మద్ కైఫ్, యువరాజ్ సింగ్ కలిసి మంచి భాగస్వామ్యాన్ని నెలకొల్పి జట్టు విజయం సాధించంటంలో కీలక పాత్ర పోషించారు. ఆ మ్యాచ్లో ఇంగ్లాండ్ జట్టు 326 పరుగుల విజయలక్ష్యాన్ని నిర్దేశించింది. ఛేదనలో టీమిండియా 146 పరుగులకే 5 వికెట్లు కోల్పోయి కష్టాల్లో పడింది. ఆ తర్వాత బరిలో దిగిన యువరాజ్, కైఫ్ 121 పరుగుల భాగస్వామ్యం నెలకొల్పారు. 69 పరుగులు చేసి యువరాజ్ వెనుదిరగగా.. కైఫ్ చివరి వరకు ఉండి జట్టుకు విజయాన్ని అందించాడు. ఈ తుదిపోరులో మూడు బంతులు మిగిలి ఉండగానే లక్ష్యాన్ని ఛేదించింది టీమిండియా.
ఇదీ చూడండి.. షట్లర్కు కరోనా.. అవాక్కైన సైనా