పాకిస్థాన్ క్రికెట్‌ జట్టు మాజీ కెప్టెన్ జావేద్ మియాందాద్ బుధవారం ఓ ఆసక్తికర విషయాన్ని పంచుకున్నాడు. ఓసారి ఇండియా టూర్‌కు వచ్చిన పాక్ క్రికెటర్లు భారత ఆటగాళ్లతో కలిసి హోలీ ఆడినట్లు వెల్లడించాడు. ఓ యూట్యూబ్‌ వీడియోలో మాట్లాడుతూ పాత జ్ఞాపకాలను నెమరేసుకున్నాడు.
"బెంగళూరులో టెస్టు సందర్భంగా మేము, భారత ఆటగాళ్లు ఒకే హోటల్‌లో ఉన్నాం. సాయంత్రం అయితే మేమంతా కలిసి ఒకే దగ్గర సమయం గడిపేవాళ్లం. అది హోలీ సీజన్‌ కావడం వల్ల హోటల్‌లోని వారంతా హోలీ ఆడేవారు. నాకు ఇంకా గుర్తుంది. మేమంతా కలిసి ఇమ్రాన్‌ఖాన్‌ రూంలోకి వెళ్లి రంగులు చల్లుకున్నాం. భారత క్రికెటర్లను కూడా మేము వదల్లేదు. వారు కూడా మాకు ఎలాంటి అడ్డు చెప్పలేదు."