ఆస్ట్రేలియా పర్యటనను దిగ్విజయంగా పూర్తి చేసుకొచ్చిన టీమ్ఇండియా.. వచ్చే నెల నుంచి స్వదేశంలో ఇంగ్లాండ్తో పలు సిరీస్లు ఆడనుంది. అందులో భాగంగా తొలుత నాలుగు టెస్టుల్లో తలపడనుంది. అయితే ఇంగ్లీష్ జట్టుపై 3-0, 3-1 తేడాతో భారత్ సిరీస్ గెల్చుకుంటుందని ఆసీస్ మాజీ బౌలర్ బ్రాడ్ హాగ్ అభిప్రాయపడ్డాడు. సొంతగడ్డపై భారత్కు గెలుపు రికార్డు ఉందని గుర్తు చేశాడు.
టీమ్ఇండియా ఇంగ్లాండ్ టెస్టు సిరీస్ "3-0, 3-1 తేడాతో టెస్టు సిరీస్ను భారత్ గెల్చుకుంటుంది. ఆహ్మదాబాద్లో జరిగే మూడో మ్యాచ్లో ఇంగ్లాండ్ విజయం సాధించొచ్చు. మిగతా మ్యాచ్లు మాత్రమే టీమ్ఇండియావే కావొచ్చు. దీంతో లార్డ్స్లో జరిగే ఫైనల్ను టీమ్ఇండియా ఆడుతుంది" -బ్రాడ్ హాగ్, ఆసీస్ మాజీ బౌలర్
గత దశాబ్ద కాలంలో భారత్పై టెస్టుల్లో గెలిచిన జట్టు ఇంగ్లాండ్ ఒక్కటే కావడం విశేషం. 2012లో మన దేశానికి వచ్చిన ఆ జట్టు.. అలిస్టర్ కుక్ సారథ్యంలో 2-1 తేడాతో టెస్టు సిరీస్ గెల్చుకుంది. ఆ తర్వాత 2016లో 0-4 తేడాతో టీమ్ఇండియా చేతిలో ఘోరంగా ఓడిపోయింది.
ప్రస్తుతం ఆసీస్పై గెల్చిన ఉత్సాహంతో ఉన్న భారత్.. అదే ఊపును ఇంగ్లాండ్పై కొనసాగించాలని చూస్తోంది. మరోవైపు ప్రత్యర్థి జట్టు కూడా ప్రణాళికలు రచిస్తూ బిజీగా ఉంది. ప్రస్తుతం టెస్టు ఛాంపియన్షిప్ పాయింట్ల పట్టికలో అగ్రస్థానంలో ఉన్న టీమ్ఇండియా.. ఈ సిరీస్ను 2-0, 3-0, 3-1, 4-0 తేడాతో సొంతం చేసుకుంటే నేరుగా తుదిపోరుకు అర్హత సాధిస్తుంది.
