అంతర్జాతీయ క్రికెట్‌ మండలి (ఐసీసీ) తాజాగా వన్డే ర్యాంకింగ్స్‌ను విడుదల చేసింది. భారత సారథి విరాట్ కోహ్లీ, టీమిండియా స్టార్ పేసర్ జస్ప్రీత్ బుమ్రా టాప్‌లో నిలిచారు. బ్యాటింగ్లో 895 రేటింగ్‌ పాయింట్లతో కోహ్లీ అగ్రస్థానంలో ఉండగా... అతడి తర్వాతి స్థానంలో టీమిండియా ఓపెనర్ రోహిత్ శర్మ (863) రెండో స్థానంలో కొనసాగుతున్నాడు.
బుమ్రా ఒక్కడే...
బౌలింగ్‌లో భారత్ నుంచి బుమ్రా (797) మినహా ఎవరూ టాప్-10లో చోటు దక్కించుకోలేకపోయారు. న్యూజిలాండ్‌ బౌలర్ ట్రెంట్‌ బౌల్ట్‌ 740 పాయింట్లతో రెండో స్థానంలో ఉన్నాడు. వెస్టిండీస్తో వన్డే సిరీస్లో అద్భుత ప్రదర్శన చేసిన అఫ్గాన్ బౌలర్ ముజీబ్ ఉర్ రహ్మన్... రెండు స్థానాలు ఎగబాకి మూడో ర్యాంక్కు చేరుకున్నాడు.