ముస్తాక్​ అలీ ట్రోఫీని ముద్దాడిన తమిళనాడు

13 ఏళ్ల తర్వాత తొలిసారిగా సయ్యద్​ ముస్తాక్​ అలీ ట్రోఫీ గెలిచింది తమిళనాడు. ఆదివారం జరిగిన తుదిపోరులో 7 వికెట్ల తేడాతో బరోడాపై ఘనవిజయం సాధించింది .

సయ్యద్​ ముస్తాక్​ అలీ టీ20 టోర్నీని కైవసం చేసుకుంది తమిళనాడు. ఏకపక్షంగా సాగిన పోరులో బరోడాపై 7 వికెట్ల తేడాతో ట్రోఫీ గెలుచుకుంది దినేశ్ సేన. 18 ఓవర్లలో 3 వికెట్లు కోల్పోయి 121 పరుగుల లక్ష్యాన్ని చేధించింది. 13 ఏళ్లలో తమిళనాడు సయ్యద్ ముస్తాక్​ అలీ ట్రోఫీ గెలవడం ఇదే తొలిసారి.

మొత్తంగా తమిళనాడుకు ఇది రెండో ట్రోఫీ. 2006-07సీజన్​లో ఆ జట్టు తొలిసారి ఈ కప్పును కైవసం చేసుకుంది. ప్రస్తుత 2020-21 సీజన్​లో ఫైనల్​ వరకు తమిళనాడు ఒక్క మ్యాచ్​ కూడా ఓడిపోలేదు.

లెఫ్ట్​ ఆర్మ్​ స్పిన్నర్ ఎం సిద్ధార్థ్ ధాటికి (4/20)... 120/9 పరుగులకే చేతులెత్తేసింది బరోడా. విష్ణు సోలంకి(49), అజిత్ సేత్ (29) పోరాడి బరోడాకు గౌరవప్రదమైన స్కోరు అందించారు. అనంతరం బ్యాటింగ్​కు దిగిన తమిళనాడు.. ఏ క్షణంలోనూ తడబడలేదు. హరి నిషాంత్(35), బి అపరాజిత్(29*), దినేష్ కార్తీక్(22), షారుక్​ ఖాన్(18*) ఆ జట్టుకు సమష్టిగా విజయాన్నందించారు.

ఇదీ చూడండి:ఇంగ్లాండ్​తో రెండో టెస్టులో ప్రేక్షకులకు అనుమతి!