ఆస్ట్రేలియాతో టెస్టులకు నటరాజన్ ఎంపిక

వన్డే, టీ20 సిరీస్​లో ఆకట్టుకున్న యార్కర్ స్పెషలిస్టు టి.నటరాజన్.. టెస్టు సిరీస్​కు ఎంపికయ్యాడు. చివరి రెండు మ్యాచ్​ల్లో ఉమేశ్ యాదవ్ స్థానంలో బరిలో దిగనున్నాడు.

భారత యువ పేసర్ టి.నటరాజన్.. ఆస్ట్రేలియాతో జరగాల్సిన చివరి రెండు టెస్టులకు ఎంపికయ్యాడు. ఇటీవల గాయపడిన ఉమేశ్ యాదవ్ స్థానంలో అతడు చోటు దక్కించుకున్నాడు. జనవరి 7 నుంచి మూడో టెస్టు ప్రారంభం కానుంది.

వన్డే సిరీస్​ను 1-2 తేడాతో కోల్పోయిన టీమ్​ఇండియా, టీ20 సిరీస్​ను 2-1 తేడాతో సొంతం చేసుకుంది. చివరి వన్డేతో పాటు పొట్టి ఫార్మాట్​లో మూడు మ్యాచ్​లు ఆడిన నట్టు.. తన యార్కర్లు, అద్భుత బౌలింగ్​తో ఆకట్టుకున్నాడు. ప్రస్తుతం నెట్​ బౌలర్​గా ఉన్న తను.. ఉమేశ్​ గాయపడటం వల్ల జట్టులోకి వచ్చాడు.