సూర్యకుమార్ యాదవ్​కు కెప్టెన్సీ

ఇటీవల వార్తల్లో నిలిచిన యువ ఆటగాడు సూర్యకుమార్​ యాదవ్​కు సారథ్య బాధ్యతలు అప్పగిస్తూ ఎమ్​సీఏ నిర్ణయం తీసుకుంది. ముస్తాక్ అలీ టోర్నీలో ముంబయి జట్టుకు ఇతడు కెప్టెన్​గా వ్యవహరించనున్నాడు.

యువ క్రికెటర్ సూర్యకుమార్ యాదవ్ కెప్టెన్సీ బాధ్యతలు అందుకున్నాడు. త్వరలో ప్రారంభమయ్యే ముస్తాక్ అలీ టీ20 టోర్నీలో ముంబయి జట్టుకు సారథ్యం వహించనున్నాడు. ఈ మేరకు 20 మంది ఆటగాళ్లతో కూడిన బృందాన్ని ప్రకటించారు.

ఈ జట్టులో సూర్య కుమార్​తో పాటు ఆదిత్య తారే, యశస్వి జైశ్వాల్, సర్ఫరాజ్ ఖాన్, శివమ్ దూబే తదితరులు ఉన్నారు. బౌలింగ్​లో ధవల్ కుల్​కర్ణి, తుషార్ దేశ్​పాండే ముందుండి నడిపించనున్నారు.

ఎంపికైన అందరూ ఆటగాళ్లు ఆర్​టీ పీసీఆర్ టెస్ట్(కొవిడ్ పరీక్ష)​ చేయించుకుని, అందులో నెగిటివ్​గా తేలిన వాళ్లు డిసెంబరు 29న వాంఖడేలో హాజరు కావాలని ముంబయి క్రికెట్ అసోసియేషన్​ తెలిపింది.

సూర్యకుమార్ యాదవ్​కు కెప్టెన్సీ