టెస్టు ర్యాంకింగ్స్లో తాను అగ్రస్థానానికి చేరుకోవడం పట్ల న్యూజిలాండ్ కెప్టెన్ కేన్ విలియమ్సన్ హర్షం వ్యక్తం చేశాడు. కోహ్లీ, స్మిత్ను అధిగమించి ఆ స్థానానికి చేరడం చాలా ఆనందంగా ఉందని ఈ సందర్భంగా తెలిపాడు.
"జట్టుకు ఏది చేయగలనో నేను అది చేశాను. మనం చేసిన సహకారం ర్యాంకింగ్లో ప్రభావం చూపించడం చాలా బాగుంది. వారిద్దరూ (కోహ్లీ, స్టీవ్ స్మిత్) ఉత్తమ ఆటగాళ్లు. ఈ ఫార్మాట్ ర్యాంకింగ్లో ప్రతి ఏటా పోటీ పడతారు. వాళ్లకు వ్యతిరేకంగా ఆడి ఇలా టాప్ ర్యాంకుకు చేరుకోవడం చాలా ఆనందంగా ఉంది".