జడేజా బొటనవేలికి సర్జరీ.. ఆరు వారాల విశ్రాంతి

సిడ్నీ టెస్టు సందర్భంగా గాయపడిన రవీంద్ర జడేజాకు మంగళవారం శస్త్రచికిత్స నిర్వహించారు. స్థానభ్రంశమైన అతడి బొటన వేలిని వైద్యులు సరిచేశారు. ఈ విషయాన్ని జడేజా తన సోషల్​మీడియాలో వెల్లడిస్తూ.. ఓ ఫొటోను షేర్​ చేశాడు.

ఆస్ట్రేలియాతో జరిగిన మూడో టెస్టులో టీమ్​ఇండియా ఆల్​రౌండర్​ రవీంద్ర జడేజా బొటన వేలికి గాయమైన కారణంగా.. చివరి టెస్టు నుంచి తప్పుకున్నాడు. ఈ నేపథ్యంలో జడేజాకు ఎడమచేతి బొటనవేలికి శస్త్రచికిత్స జరిగింది. ఈ విషయాన్ని సోషల్​మీడియాలో వెల్లడించాడు.

"శస్త్రచికిత్స పూర్తయ్యింది. కొంతకాలం ఆటకు విరామం. మరింత బలంగా తిరిగొస్తా."

- రవీంద్ర జడేజా, టీమ్ఇండియా ఆల్​రౌండర్​

జడేజా ట్వీట్‌పై స్పందించిన బీసీసీఐ.. మీరు త్వరగా కోలుకోవాలని ఆశిస్తున్నట్లు ట్వీట్‌ చేసింది. భారత్‌, ఆస్ట్రేలియా మధ్య కీలకమైన నాలుగో టెస్టు బ్రిస్బేన్‌ వేదికగా జనవరి 15న ప్రారంభం కానుంది.

ఇదీ చూడండి:అది సిగ్గుచేటు: బ్యాటింగ్​ గార్డ్​ వివాదంపై స్మిత్ స్పందన​