ఆస్ట్రేలియా జట్టుకు పెద్ద ఎదురుదెబ్బ తగిలింది! ఆ జట్టు స్టార్ ఆల్రౌండర్ మార్కస్ స్టాయినిస్ గాయం కారణంగా రెండో వన్డేకు దూరమయ్యే పరిస్థితులు కనిపిస్తున్నాయి. తొలి వన్డేలో ఎడమ కాలి నొప్పి కారణంగా మైదానాన్ని వీడిన అతడు.. ప్రస్తుతం చికిత్స తీసుకుంటున్నట్లు ఆస్ట్రేలియా క్రికెట్ యాజమాన్యం తెలిపింది. అయితే స్టాయినిస్ మ్యాచ్ సమయానికి కోలుకునేది లేనిది ఇప్పుడే చెప్పలేమని పేర్కొంది.
రెండో వన్డే ముంగిట ఆసీస్కు ఎదురుదెబ్బ!
భారత్తో రెండో వన్డేకు ఆస్ట్రేలియా క్రికెటర్ మార్కస్ స్టాయినిస్ అందుబాటులో ఉండేది లేనిది అనుమానంగా మారింది. తొలి వన్డేలో బౌలింగ్ చేస్తున్న సమయంలో ఈ ఆల్రౌండర్ గాయం కారణంగా మైదానాన్ని వీడాడు.
రెండో వన్డే ముంగిట ఆసీస్కు ఎదురుదెబ్బ!
ఒకవేళ స్టాయినిస్ మ్యాచ్కు దూరమైతే.. అతడి స్థానంలో కేమరాన్ గ్రీన్, హెన్రిక్స్ జట్టులోకి వచ్చే అవకాశం ఉంది. గ్రీన్ ఇటీవల షెఫీల్డ్ షీల్డ్ కౌంటీ తరఫున మంచి ఫామ్ కనబరిచాడు. బ్యాటింగ్, బౌలింగ్లో అదరగొట్టాడు. తాజాగా అతడు నెట్స్లోనూ సాధన చేయడం చూస్తే.. రెండో మ్యాచ్లో మార్పులు జరిగే అవకాశం కనిపిస్తోంది. ఇరుజట్ల మధ్య రెండో వన్డే ఆదివారం సిడ్నీ వేదికగా జరగనుంది.
తొలి వన్డేలో ఆసీస్ చేతిలో 67 పరుగుల తేడాతో ఓటమిపాలైంది టీమ్ఇండియా. కంగారూ జట్టు విజయంలో ఫించ్(114), స్మిత్(105) కీలక పాత్ర పోషించారు. దీంతో మూడు వన్డేల సిరీస్లో ఆస్ట్రేలియా 1-0 ఆధిక్యంలో నిలిచింది.