ప్రపంచకప్​ తర్వాత వీడ్కోలు

ప్రపంచకప్​ తర్వాత  క్రికెటర్ డుమినీ వన్డేలకు రిటైర్మెంట్ ప్రకటించనున్నాడు. పొట్టి ఫార్మాట్​లో మాత్రం కొనసాగుతానని స్పష్టం చేశాడు.

ప్రపంచకప్​ తర్వాత మరో క్రికెటర్ వన్డేలకు వీడ్కోలు పలకనున్నాడు. మే నుంచి ఇంగ్లండ్​లో జరిగే మెగాటోర్నీ అనంతరం వన్డే క్రికెట్​ నుంచి రిటైర్​ అవనున్నాడుదక్షిణాఫ్రికా ఆల్​రౌండర్ జేపీ డుమినీ . ఈ విషయాన్ని క్రికెట్ దక్షిణాఫ్రికా ట్విట్టర్​లో ప్రకటించింది.

నేను వన్డేలకు వీడ్కోలు చెప్పేందుకు ఇది సరైన సమయం అనుకుంటున్నా. దేశీయ, అంతర్జాతీయ టీ20లు ఆడతాను. నా మొదటి ప్రాధాన్యం కుటుంబానికే.. తర్వాతే ఏదైనా. ఎంతోగానో సహకరించిన జట్టు సభ్యులకు కృతజ్ఞతలు.

---జేపీ డుమినీ,దక్షిణాఫ్రికా క్రికెటర్

34 ఏళ్ల డుమినీ... సెప్టెంబరు 2017లో టెస్టుల నుంచి రిటైర్మెంట్ తీసుకున్నాడు. ఈ ఫార్మాట్​లో 46 మ్యాచ్​లాడిన డుమిని 32.85 సగటుతో 2,103 పరుగులు చేశాడు. వన్డే ఫార్మాట్​లో 193 మ్యాచ్​లాడి 37.39 సగటుతో 5,047 రన్స్ సాధించాడు. స్పిన్ బౌలర్​గా 68 వికెట్లు తీశాడు.

ఇదే జట్టుకు చెందిన స్పిన్నర్ ఇమ్రాన్ తాహిర్..ప్రపంచకప్​ తర్వాత రిటైర్మెంట్ తీసుకుంటానని ముందుగానే ప్రకటించాడు.

ఇవి కూడా చదవండి:

• నాలో క్రికెట్ ఇంకా మిగిలే ఉందంటున్న భారత్ పేస్ బౌలర్ శ్రీశాంత్
• ఫేస్​బుక్ సంస్థను వీడిన ఇద్దరు అత్యున్నత ఉద్యోగులు
• సొంత జట్టు దిల్లీ క్యాపిటల్స్​కు ఆడటం ఎంతో ప్రత్యేకమంటున్న ఇషాంత్ శర్మ
• ప్రపంచకప్​కు వెళ్లే జట్టుపై పూర్తి స్పష్టత ఉందంటున్న కోహ్లి