హాల్ ఆఫ్ ఫేమ్లో చోటు సంపాదించుకున్న క్రికెటర్‌ జాక్వెస్ కలిస్‌పై దక్షిణాఫ్రికా క్రికెట్ బోర్డు (సీఎస్ఏ) ప్రశంసల జల్లు కురిపించింది. సౌతాఫ్రికా క్రికెట్ కిరీటంలో ఓ ఆభరణంగా అతడిని కొనియాడింది. ఆల్‌టైమ్‌ ఉత్తమ క్రికెటర్లుగా పేర్కొంటూ పాకిస్థాన్‌కు చెందిన జహీర్‌ అబ్బాస్‌, ఆస్ట్రేలియాకు చెందిన మహిళా క్రికెటర్‌ లీసా స్టాన్‌లేకర్‌తోపాటు కలిస్‌ను ‘హాల్ ఆఫ్ ఫేమ్’గా ఐఐసీ ఇటీవలే గుర్తించింది.
"కలిస్‌కు సముచిత గౌరవం దక్కింది. అతడి కెరీర్‌లో ఎన్నో మైలురాళ్లు ఉన్నాయి. ఆధునిక క్రికెట్‌లో ఎన్నో ఘనతలు సాధించిన కలిస్.. గ్యారీ సోబర్స్‌ సరసన చేరే అర్హత కలిగిన ఆల్రౌండర్. టాపార్డర్ బ్యాట్స్‌మన్‌గా, స్వింగ్‌ బౌలర్‌గా పలు రికార్డులు సొంతం చేసుకున్నాడు. దేశంలోని ఎందరో యువ క్రికెటర్లకు కలిస్ ఆదర్శప్రాయుడు. దక్షిణాఫ్రికా క్రికెట్ కిరీటంలో అతడో ఆభరణం."