ఒకప్పుడు ఒడుదొడుకుల్లో ఉన్న టీమిండియాను తన కెప్టెన్సీతో సరైన మార్గంలో నడిపించిన సౌరభ్ గంగూలీ.. తాజాగా బీసీసీఐ అధ్యక్షుడిగా బాధ్యతలు చేపట్టి మరోసారి తన మార్కును చూపిస్తున్నాడు. డే అండ్ నైట్ టెస్టు ప్రతిపాదనతో అందరి దృష్టిని ఆకర్షించిన దాదాతో ఈటీవీ భారత్ ముఖాముఖి నిర్వహించింది.
డే అండ్ నైట్ టెస్టు సన్నాహాలు ఎలా ఉన్నాయి..?
పింక్ బంతితో మ్యాచ్ ఆసక్తికరంగా సాగుతుందనుకుంటున్నా. ప్రతి ఒక్కరూ ఉత్కంఠగా ఎదురుచూస్తున్నారు. ఈ టెస్టు కోసం చాలా కష్టపడ్డాం. డే అండ్ నైట్ మ్యాచ్ కాబట్టి స్టేడియంలో తగినవిధంగా మార్పులు చేశాం. మ్యాచ్ ముందు రోజుఏర్పాట్లు మరోసారి పర్యవేక్షిస్తాం.
బీసీసీఐ అధ్యక్షుడిగా ఎలా ఉంది..?
చాలా ఆనందంగా ఉంది. అనుకున్నది అనుకున్నట్లుగా జరుగుతున్నందుకు సంతోషంగా ఉంది. బంగ్లాతో డే అండ్ నైట్ టెస్టు కోసం టికెట్లన్ని ముందే అమ్ముడుపోయాయి.
టికెట్ల విక్రయంలో వివాదంపై..
కోలకతా ఈడెన్ గార్డెన్స్లో జరుగుతున్న ఈ మ్యాచ్ కోసం టికెట్లు విడుదలైన కొన్ని రోజుల్లోనే అమ్ముడయ్యాయి. ఈ విషయంపై బంగాల్ ప్రేక్షకులు అసంతృప్తి వ్యక్తం చేశారు. అయితే ఈ అంశం బీసీసీఐ పరిధిలో ఉండదని గంగూలీ తెలిపాడు. పరిమిత సీట్లే ఉన్నాయన్నాడు.