అంతర్జాతీయ క్రికెట్కు టీమ్ఇండియా మాజీ సారథి ధోనీ రిటైర్మెంట్ ప్రకటించిన తర్వాత అతడి స్థానాన్ని ఎవరు భర్తీ చేస్తారని ప్రస్తుతం చర్చ నడుస్తోంది. ఈ క్రమంలోనే మహీ స్థానంలో రిషభ్ పంత్ను ఎంపిక చేయాలని పలువురు అభిప్రాయపడుతున్నారు. తాజాగా ఈ విషయంపై మాట్లాడిన బ్యాటింగ్ కోచ్ సంజయ్ బంగర్.. వికెట్కీపర్గా పంత్ సరైన ఎంపిక అని అభిప్రాయపడ్డాడు.
"వికెట్ కీపర్గా పంత్ సరైన ఎంపిక అని నేను భావిస్తున్నా. ప్రస్తుత ఐపీఎల్లో తన ప్రదర్శనతో ఆకట్టుకుంటున్నాడు. దీంతో పాటు జట్టులో ఎడమచేతి వాటం బ్యాట్స్మన్ ఉండటం ముఖ్యమని నేను అనుకుంటున్నా. మిడిల్ ఆర్డర్లో టీమ్ఇండియాకు ఎక్కువ మంది కుడిచేతి వాటం బ్యాట్స్మెన్ ఉండటం వల్ల పంత్ రాకతో బ్యాటింగ్ లైనప్ సమతుల్యం అవుతుంది".