దేవధర్ ట్రోఫీలో బారత్- ఏ తో జరిగిన మ్యాచ్లో భారత్- సీ.. 232 పరుగుల భారీ తేడాతో విజయం సాధించింది. రాంచీ వేదికగా జరిగిన ఈ మ్యాచ్లో భారత్ సీ ఆటగాళ్లు శుభ్మన్ గిల్, మయాంక్ అగర్వాల్ శతకాలతో చెలరేగి 50 ఓవర్లకు 366 పరుగుల భారీ స్కోరు సాధించారు. అనంతరం బ్యాటింగ్ చేసిన భారత్- ఏ 134 పరుగులకే ఆలౌటైంది. ఫలితంగా సోమవారం జరగనున్న ఫైనల్లో భారత్- బీతో తలపడనుంది.
మొదట బ్యాటింగ్ చేసిన భారత్- సీ జట్టుకు శుభారంభం దక్కింది. కెప్టెన్ శుభ్మన్ గిల్, ఓపెనర్ మయాంక్ అగర్వాల్ 226 పరుగుల భారీ భాగస్వామ్యం నెలకొల్పారు. వీరి ధాటికి భారత్- ఏ బౌలర్లు తేలిపోయారు.