భారత్, పాక్ ఆటగాళ్ల మధ్య స్నేహ బంధం గురించి వివరించాడు పాక్ ఆట‌గాడు షోయబ్ మాలిక్. మైదానంలో నువ్వానేనా అన్న‌ట్లు త‌ల‌ప‌డే రెండు జట్ల క్రికెట‌ర్లు మైదానం వెలుపల ఎంతో చ‌నువుగా, స్నేహ‌పూర్వ‌కంగా ఉంటార‌ని తెలిపాడు. ఐసీసీ ఛాంపియ‌న్స్ ట్రోఫీ-2017లో పాక్ జట్టు గెలిచాక యువరాజ్ సింగ్ తనతో అన్న మాటలను గుర్తుచేసుకున్నాడు.
"విజ‌యం విష‌యానికి వ‌స్తే 2017 ఛాంపియ‌న్స్ ట్రోఫీ గెల‌వ‌డం అద్భుత‌మైన అనుభూతి. కానీ నాకు మ‌రో మ‌ధుర స్మృతి ఉంది. మ్యాచ్ ముగిశాక భోజ‌న‌శాల‌లో యువరాజ్ సింగ్‌తో మాట్లాడా. మీ జట్టు స‌భ్యులు సంబ‌రాలు చేసుకుంటున్నారు. ఇలాంటి ప్ర‌త్యేక సంద‌ర్భాన్ని మిస్స‌వ్వ‌కు. వారితో కలిసి వేడుక చేసుకోవాల‌ని యువీ నాతో చెప్పాడు. క్రికెట్ ఎలాంటి స్నేహాల‌ను అందిస్తుందో చెప్పేందుకు ఇదొక ఉదాహ‌ర‌ణ."
-మాలిక్, పాక్ క్రికెటర్.