శ్రీలంకతో జరిగిన రెండో టీ20లో అర్ధశతకంతో చెలరేగిన ఆసీస్ క్రికెటర్ స్టీవ్స్మిత్పై సర్వత్రా ప్రశంసలు కురుస్తున్నాయి. ఇలాంటి సమయంలో అతడిపై సంచలన వ్యాఖ్యలు చేశాడు పాకిస్థాన్ మాజీ ఆటగాడు షోయబ్ అక్తర్. స్మిత్ బ్యాటింగ్లో టెక్నిక్ ఉండదని, ఆటను చూస్తే ఆశ్చర్యంగా ఉంటుందని అన్నాడు.
"స్టీవ్ స్మిత్ ఎలా ఆడుతున్నాడో అర్థం కావట్లేదు. అతడి బ్యాటింగ్లో టెక్నిక్ ఉండదు. కానీ శైలి విభిన్నంగా ఉంటుంది. నేను ఆడిన సమయంలో స్మిత్ ఉన్నట్లయితే నా బౌలింగ్తో ఇబ్బంది పెట్టేవాడినే. ఇప్పుడైతే అది చాలా కష్టమనిపిస్తోంది. బాగా ఆడుతున్నాడు. అతడికి ఆల్ ది బెస్ట్" -షోయబ్ అక్తర్, పాకిస్థాన్ మాజీ క్రికెటర్.