టీమ్ఇండియా ఓపెనర్ శిఖర్ ధావన్ బాలీవుడ్ సూపర్‌స్టార్‌ అక్షయ్‌కుమార్‌ను కలిశాడు. ఎప్పుడు ఎక్కడ కలిశాడనే సమాచారం లేకపోయినా ఆ హీరోతో కలిసి దిగిన సెల్ఫీని ఇన్స్టాగ్రామ్లో పంచుకున్నాడు. మీతో ఉన్నంతసేపూ సరదాగా ఉంటుందని దానికి వ్యాఖ్యానం జతచేశాడు. ఓ చెరువుగట్టు పక్కన ఇద్దరూ సంతోషంగా నవ్వుతున్న ఫొటోను ధావన్ అభిమానులతో పంచుకున్నాడు.
అంతకుముందు టీమ్ఇండియా స్పిన్నర్‌ యుజువేంద్ర చాహల్ దంపతులు ధావన్‌ను కలిశారు. ఆ ఫొటోను ఈ స్పిన్‌ మాంత్రికుడు తన ఇన్‌స్టాలో పంచుకొని సంతోషం వ్యక్తం చేశాడు. ధావన్ మంచి ఆతిథ్యం ఇచ్చాడని పేర్కొన్నాడు. కాగా.. ధావన్, చాహల్ చివరిసారి ఆస్ట్రేలియాతో జరిగిన పరిమిత ఓవర్ల సిరీస్‌లో ఆడారు. ఆపై వారు తిరిగి భారత్‌కు చేరుకున్నారు.