ప్రాక్టీసులో గబ్బర్.. బౌండరీలు బాదేస్తూ బిజీ

నాలుగు నెలల తర్వాత ప్రాక్టీసులో దిగిన ధావన్.. బంతులను బౌండరీలకు తరలిస్తూ బిజీగా కనిపించాడు. త్వరలో ప్రారంభమయ్యే ఐపీఎల్​లో దిల్లీ క్యాపిటల్స్​కు ప్రాతినిధ్యం వహిస్తున్నాడు.

టీమ్​ఇండియా ఓపెనర్ శిఖర్​ ధావన్.. దాదాపు నాలుగు నెలల తర్వాత మైదానంలో దిగాడు. దాదాపు నాలుగు గంటలపాటు ప్రాక్టీసు చేశాడు. ఆ వీడియోను ట్వీట్ చేశాడు. ఇందులో బంతులను ఎడాపెడా బౌండరీలు బాదేస్తూ కనిపించాడు. జోరు కొనసాగిస్తున్నాను. బంతిని బాదే శబ్దాన్ని ఆస్వాదిస్తున్నాననే వ్యాఖ్య జోడించాడు.

సెప్టెంబరు 19 నుంచి మొదలవనున్న ఐపీఎల్​లో దిల్లీ క్యాపిటల్స్​ తరఫున ఆడనున్నాడు ధావన్. యూఏఈ వేదికగా ఈ టోర్నీ జరగనుంది. ఈ మేరకు ఆగస్టు 15 నుంచి తమ జట్టులోని భారత క్రికెటర్లు శిక్షణా శిబిరాన్ని ఏర్పాటు చేయాలని భావిస్తోంది దిల్లీ యాజమాన్యం.