పొట్టిగా ఉన్నామని, సన్నగా కనిపిస్తున్నామని కొంతమంది ఎప్పుడూ నిరాశతో ఉంటారు. అలాంటి వారికి ఈ వ్యక్తి ఓ ఉదాహరణ. ఎందుకంటే అతడు పొడుగ్గా ఉండటం వల్ల చాలా ఇబ్బందులు పడుతున్నాడు. అఫ్గాన్కు చెందిన షేర్ఖాన్ 8 అడుగుల 2 అంగుళాల ఎత్తుంటాడు. క్రికెట్ అంటే చెవికోసుకునే ఈ అఫ్గానిస్థాన్ క్రికెట్ అభిమానికి తాజాగా చేదు అనుభవం ఎదురైంది.
మూడు వన్డేల సిరిస్‌లో భాగంగా లఖ్నవూలో అఫ్గానిస్థాన్-వెస్టిండీస్ జట్ల మధ్య బుధవారం(నవంబర్ 6న) తొలి వన్డే జరిగింది. ఈ మ్యాచ్ చూసేందుకు వచ్చిన అతడికి అక్కడబస చేయడానికి హోటల్ గదులు దొరకలేదట. చూడటానికి భారీ ఆకారంలో ఉండటం వల్ల ఎవరూ సహాయం చేయలేదు. ఫలితంగా కాబుల్ నుంచి వచ్చిన షేర్ఖాన్తీవ్ర ఇబ్బందులు ఎదుర్కొన్నాడట. చేసేదేమీ లేక పోలీసులను ఆశ్రయించాడు.