తొలి వన్డే: ఆరంభంలోనే కోహ్లీ, రాహుల్ ఔట్​

చెన్నై వేదికగా విండీస్​తో జరుగుతున్న తొలి వన్డేలో భారత్ కెప్టెన్ విరాట్ కోహ్లీ(4), కేఎల్ రాహుల్(6) తక్కువ పరుగులే చేసి ఔటయ్యారు. ప్రస్తుతం క్రీజులో శ్రేయస్ అయ్యర్, పంత్ ఉన్నారు.

వెస్టిండీస్​తో జరుగుతున్న తొలి వన్డేలో టీమిండియాకు ఆరంభంలోనే ఎదురుదెబ్బ తగిలింది. కెప్టెన్ విరాట్ కోహ్లీ(4), కే.ఎల్ రాహుల్(6) తక్కువ పరుగులకే వెనుదిరిగారు. విండీస్ బౌలర్ షెల్డాన్ కాట్రెల్ వీరిద్దరిని ఔట్ చేసి భారత్​కు షాకిచ్చాడు.

ఒకే ఓవర్లో ఇద్దరిని ఔట్ చేశాడు కాట్రెల్. ఏడో ఓవర్ రెండో బంతిని రాహుల్ స్క్వేర్ లెగ్ దిశగా ఆడగా.. మిడ్ వికెట్ దగ్గరా హెట్మయిర్ అందుకున్నాడు. అనంతరం ఆ ఓవర్ చివరి బంతికి విరాట్ బౌల్డయ్యాడు.

అనంతరం రోహిత్ శర్మ, శ్రేయస్ అయ్యర్ నిలకడగా ఆడుతూ టీమిండియా ఇన్నింగ్స్​ను​ పరుగుపెట్టించారు. వీరిద్దరూ 65 పరుగుల భాగస్వామ్యం నెలకొల్పారు. అయితే అల్జారీ జోసెఫ్.. హిట్ మ్యాన్​ను ఔట్ చేసి దెబ్బతీశాడు. ప్రస్తుతం క్రీజులో శ్రేయస్ అయ్యర్, పంత్ ఉన్నారు.

ఇదీ చదవండి: ధోనీ టీ20ల్లోనే ఆడతాడా.. వన్డేల మాటేమిటి?