'అలాంటప్పుడు లాలాజలం వినియోగం సమస్యే కాదు'

బయో సెక్యూర్​ వాతావరణంలో మ్యాచ్​లు జరిపితే, బౌలర్లు ఉమ్మి వినియోగించడం పెద్ద సమస్యే కాదని చెప్పాడు మాజీ బౌలర్ పొలాక్.

చాలారోజుల తర్వాత క్రికెట్ మ్యాచ్​లు త్వరలో మొదలుకానున్నాయి. వీటిని బయో సెక్యూర్​ వాతావరణంలో నిర్వహించనున్నారు. ఇలా జరిగితే బంతిపై లాలాజలం వినియోగించడం పెద్ద ఇబ్బంది కాదని అన్నాడు దక్షిణాఫ్రికా మాజీ క్రికెటర్ షాన్ పొలాక్. బంతిపై మెరుపు కోసం సలైవాను రుద్దకూడదని ఐసీసీ చెప్పిన నేపథ్యంలో పొలాక్ ఈ వ్యాఖ్యలు చేశాడు.

బంతి మెరుపు కోసం లాలాజలం ఉపయోగిస్తున్న బౌలర్

"ప్రత్యేకంగా సృష్టించిన వాతావరణంలో ఎలాంటి ఇబ్బంది ఉండదని అనుకుంటున్నా. అది ఓ రక్షణ కవచంలా ఉపయోగపడుతుంది. మ్యాచ్​లకు ముందే స్వీయ నిర్బంధం పూర్తి చేసుకుని, అంతా సురక్షితంగా ఉంటారు. వైరస్​ లక్షణాలున్న వ్యక్తులతో వారు కలవనప్పుడు భయపడాల్సిన పనిలేదు. అప్పుడు బంతిపై లాలాజలం ఉపయోగించడం సమస్యే కాదు" -షాన్ పొలాక్, దక్షిణాఫ్రికా మాజీ బౌలర్

ఇంగ్లాండ్-వెస్టిండీస్ టెస్టు సిరీస్​తో బయో సెక్యూర్​ వాతావరణం పద్ధతిని ఉపయోగించనున్నారు. జులై 8, జులై 16, జులై 24వ తేదీల్లో మ్యాచ్​లు జరగనున్నాయి. వీటన్నింటిని ప్రేక్షకులు లేకుండానే నిర్వహించనున్నారు.