ఇంగ్లాండ్ ఆల్‌రౌండర్ బెన్ స్టోక్స్, అతని భార్యపై అనుచిత వ్యాఖ్యలు చేసిన వెస్టిండీస్ క్రికెటర్ మార్లోన్ శామ్యూల్స్పై ఆస్ట్రేలియా దిగ్గజం షేన్ వార్న్ మండిపడ్డాడు. అతడికి మతి చెడిందని.. ఎవరైనా సాయం అందించాలంటూ ఆగ్రహం వ్యక్తం చేశాడు. అసభ్యకరమైన ప్రవర్తనతో అతడు అందరిని దూరం చేసుకుని ఇబ్బంది పడుతున్నాడని ట్వీట్ చేశాడు.
ఎందుకన్నాడంటే?
ప్రస్తుత ఐపీఎల్లో ఆలస్యంగా బరిలో దిగిన స్టోక్స్.. కరోనా ప్రొటోకాల్స్ ప్రకారం క్వారంటైన్ పూర్తి చేసుకున్నాకే మైదానంలోకి అడుగు పెట్టాడు. అయితే ఈ క్వారంటైన్ గురించి ఇటీవల మాట్లాడిన స్టోక్స్.. ఈ పరిస్థితి పగవాడికి కూడా రాకూడదని, తాను బద్ద శత్రువుగా భావించే శామ్యూల్స్కు కూడా రావద్దని కోరుకుంటానని అన్నాడు. దీనికి వార్న్ కూడా మద్దతు పలికాడు. దీనిపై స్పందించిన శామ్యూల్స్.. స్టోక్స్, అతడి భార్య, వార్న్ను ఉద్దేశిస్తూ కించపరిచే విధంగా వ్యాఖ్యలు చేశాడు.
ఎవరైనా సాయం చేయండి
దీంతో అనుచిత వ్యాఖ్యలు చేసిన శామ్యూల్స్పై షేన్ వార్న్ తాజాగా తీవ్ర ఆగ్రహం వ్యక్తం చేశాడు. శామ్యూల్స్ ఎవరి తోడు, స్నేహం లేక పిచ్చోడవుతున్నాడని, అతడికి ఎవరైనా సాయం చేయాలని ట్వీట్ చేశాడు.