టీమ్​ఇండియా విజయంపై ప్రముఖులు, మాజీల ప్రశంసలు

టీమ్​ఇండియా విజయంపై సీనియర్ క్రికెటర్లు, పలువురు ప్రముఖులు హర్షం వ్యక్తం చేశారు. శనివారం ఇంగ్లాండ్​పై సిరీస్​ నెగ్గి డబ్ల్యూటీసీ ఫైనల్లోకి చేరుకున్న భారత జట్టుకు అభినందనలు తెలిపారు.

శనివారం జరిగిన ఫైనల్ టెస్టు మ్యాచ్​లో ఇంగ్లాండ్​పై ఘన విజయం సాధించి సిరీస్​ గెలుచుకుంది భారత జట్టు. ఈ నేపథ్యంలో టీమ్​ఇండియాను ప్రశంసిస్తూ అభినందనలు తెలిపారు కొందరు ప్రముఖులు.

కాంగ్రెస్​ నేత రాహుల్​ గాంధీ... టీమ్ఇండియా ఆటగాళ్లపై ప్రశంసలు కురిపించారు. డబ్ల్యూటీసీ ఫైనల్​కు చేరినందుకు అభినందనలు తెలిపారు.

రాష్ట్రపతి రామ్​నాథ్​ కోవింద్.. మొతేరా మైదానంలో భారత జట్టు తొలి రెండు మ్యాచ్​లు గెలవడంపై ఆనందం వ్యక్తం చేశారు. ఆ మైదానాన్ని ప్రారంభించే అవకాశం రావడం చాలా గర్వంగా అనిపిస్తోందని అన్నారు. టీమ్​ఇండియాకు అభినందనలు తెలిపారు.

భారత మాజీ బ్యాట్స్​మన్ వీవీఎస్​ లక్ష్మణ్.. టీమ్​ ఇండియా బౌలర్లు అశ్విన్​, అక్షర్​ పటేల్​ను కొనియాడుతూ ట్వీట్​ చేశాడు. ఇద్దరు స్పిన్నర్లు మళ్లీ విజృంభించారని అన్నాడు.

దిగ్గజ బ్యాట్స్​మన్​ వీరేంద్ర సెహ్వాగ్.. టీమ్​ఇండియాను తనదైన శైలిలో ప్రశంసించాడు. ఇంగ్లాండ్​ అహ్మదాబాద్​లో ఓడలేదని తెలివిని ఉపయోగించడంలో ఓడిందని భిన్నంగా కామెంట్ చేశారు.

రిషభ్​ పంత్, వాషింగ్టన్​ సుందర్, అక్షర్ పటేల్, అశ్విన్​, రోహిత్​ ఆటతీరును ఆద్యంతం ఎంజాయ్​ చేశానంటూ సచిన్​ ట్వీట్ చేశాడు. ఇంగ్లాండ్​పై సిరీస్​ గెలినందుకు టీమ్​ఇండియాను అభినందించాడు.

ఇదీ చదవండి:ఏప్రిల్ 9 నుంచి ఐపీఎల్ షురూ!