తొలి ఇన్నింగ్స్లో బ్యాటింగ్తో అదరగొట్టిన భారత్ అనంతరం బౌలింగ్లోనూ శుభారంభం చేసింది. రెండో రోజు ఆట ముగిసే సమయానికి 39 పరుగులకే 3 వికెట్లు తీసి దక్షిణాఫ్రికాను ఇబ్బందుల్లో నెట్టింది. అశ్విన్ రెండు వికెట్లతో ఆకట్టుకోగా.. జడేజా ఓ వికెట్ తీశాడు. అంతకుముందు మయాంక్ అగర్వాల్(215), రోహిత్(176) బ్యాటింగ్ ప్రదర్శనకు ఫలితంగా 502/7 పరుగుల భారీ స్కోరు వద్ద డిక్లేర్ చేసింది టీమిండియా.
భారీ స్కోరు చేయాలనే లక్ష్యంతో బరిలో దిగిన దక్షిణాఫ్రికాను ఆరంభంలోనే దెబ్బకొట్టాడు రవిచంద్రన్ అశ్విన్. ఓపెనర్ మర్కరమ్ను(5) తక్కువ పరుగులకే ఔట్ చేశాడు. అనంతరం థియునిస్ నూ(4) పెవిలియన్కు పంపాడు. ఆ సమయంలో నాలుగో స్థానంలో బ్యాటింగ్కు వచ్చిన డేన్ను... డకౌట్ చేసి సఫారీలను మరింత కష్టాల్లో నెట్టాడు జడేజా.