టీమ్ఇండియా కోచ్గా తాను వచ్చేసరికి, సచిన్ తెందుల్కర్ రిటైర్మెంట్ ఆలోచనతో ఉన్నాడని గ్యారీ కిర్స్టన్ చెప్పాడు. అందుకు గల కారణాన్ని వెల్లడించాడు. ఇటీవలే ఓ ఇంటర్వ్యూలో మాట్లాడుతూ లిటిల్ మాస్టర్తో తనకున్న అనుబంధాన్ని గుర్తు చేసుకున్నాడు.
"సచిన్తో నా కోచింగ్ ప్రయాణం అద్భుతం. అయితే నేను కోచ్గా వచ్చేసరికి తన బ్యాటింగ్ చేస్తున్న స్థానం నచ్చక, క్రికెట్ను ఎంజాయ్ చేయలేకపోతున్నానని చెప్పాడు. అందుకే రిటైర్మెంట్ ఇచ్చేయాలని భావిస్తున్నానని అన్నాడు" -గ్యారీ కిర్స్టన్, టీమ్ఇండియా మాజీ కోచ్
టీమ్ఇండియా మాజీ కోచ్ గ్యారీ కిర్స్టన్
అయితే 2008లో గ్యారీ కోచ్ బాధ్యతలు అందుకున్న తర్వాత, సచిన్కు బ్యాటింగ్ విషయంలో పూర్తి స్వేచ్ఛనిచ్చాడు. తనకు నచ్చిన స్థానంలో ఆడే అవకాశమిచ్చాడు. దీంతో మూడేళ్లలో 18 సెంచరీలు, ఓ ద్విశతకం చేశాడు లిటిల్ మాస్టర్.
గ్యారీ కంటే ముందు భారత కోచ్గా పనిచేసిన గ్రెగ్ ఛాపెల్.. 2007 ప్రపంచకప్లో సచిన్ బ్యాటింగ్ స్థానాన్నే మార్చేశాడు. శ్రీలంక, బెర్ముడా మ్యాచ్ల్లో నాలుగులో వెళ్తానని అడగ్గా, ఆరో స్థానంలో పంపించాడు. ఈ విషయమై కోచ్ ఛాపెల్తో అప్పటి కెప్టెన్ ద్రవిడ్ వాగ్వాదానికి దిగినా, లాభం లేకుండా పోయింది. మాస్టర్ను మిడిలార్డర్లోనే పంపిస్తానని గ్రెగ్ స్పష్టం చేశాడు. అయితే ఈ టోర్నీలో లీగ్ దశలోనే ఇంటిముఖం పట్టిన టీమ్ఇండియా.. అప్పట్లో తీవ్రవిమర్శలు ఎదుర్కొంది.
2007 వన్డే ప్రపంచకప్ సందర్బంగా సచిన్ ఇవీ చదవండి:
