మాస్టర్​కు గతాన్ని గుర్తుచేసిన 'జూనియర్​ లారా'

వెస్టిండీస్​ మాజీ క్రికెటర్​ బ్రయన్​ లారా.. తన కుమారుడు బ్యాటింగ్​ చేస్తున్న వీడియోను ఇన్​స్టాగ్రామ్​లో షేర్​ చేశాడు. దానికి భారత దిగ్గజం సచిన్​ స్పందించాడు. తన చిన్ననాటి ఫొటోనూ జతచేస్తూ నెట్టింట సంభాషించాడు మాస్టర్​.

భారత దిగ్గజ క్రికెటర్​ సచిన్​ తెందుల్కర్​, విండీస్​ దిగ్గజం బ్రయాన్​ లారా.. నెట్టింట సంభాషించుకున్నారు. ఇది ప్రస్తుతం నెటిజన్లను ఆకట్టుకుంటోంది. ఇందులో సచిన్​ ఓ అరుదైన జ్ఞాపకాన్ని షేర్​ చేసుకున్నాడు.

సంభాషణ ఇలా...

లారా.. తన కుమారుడు క్రికెట్​ ఆడుతున్న వీడియోను ఇన్​స్టాగ్రామ్​లో షేర్​ చేశాడు. "రైట్​ హ్యాండ్​ బ్యాట్స్​మెన్​గా ఆడుతున్నా.. బ్యాట్​ పట్టుకున్న విధానం చూస్తే లెఫ్ట్​ హ్యాండ్​ బ్యాట్స్​మెన్​ అవ్వాలనుకుంటున్నాడు" అని లారా పోస్ట్​ చేశాడు.

దీనికి స్పందించిన సచిన్​.. లారా కుమారుడిలాగే బ్యాట్​ పట్టుకున్న చిత్రానికి తన చిన్ననాటి ఫేమస్​ ఫొటోను కొలేజ్​ చేసి పోస్ట్​ చేశాడు సచిన్​.

"ఇదే విధంగా బ్యాట్​ పట్టుకోగలిగిన ఓ అబ్బాయి నాకు తెలుసు. అతడు అంతర్జాతీయ క్రికెట్​లో ఘోరమైన ప్రదర్శనేమి చేయలేదు" అని కామెంట్​ను జత చేశాడు.

దానికి లారా.. "అవును. ప్రపంచంలోని అత్యుత్తమ బౌలర్లలో కొందరు అతని బ్యాట్​ పదును చూశారు. నేను అందులో జోక్యం చేసుకోను" అని నవ్వుతూ సచిన్​ ఉద్దేశించి చెప్పాడు.

మాస్టర్​ మళ్లీ స్పందిస్తూ.. "ప్రపంచంలోని గొప్ప బ్యాట్స్​మెన్లలో ఒకరి నుంచి తాను క్రికెట్​ నేర్చుకోబోతున్నాడు. అతనికి ఉజ్వల భవిష్యత్​ ఉంటుంది" అని లారా కుమారుడిని ఉద్దేశించి మాట్లాడాడు సచిన్​.

ఇదీ చూడండి... ధోనీ ఆ విషయంలో నన్ను హెచ్చరించాడు: రైనా