మాస్టర్ బ్లాస్టర్ సచిన్ తెందుల్కర్కు స్టైయిట్ డ్రైవ్ అంటే చాలా ఇష్టమని గతంలో పలు ఇంటర్వ్యూల్లో చెప్పాడు. అలానే ముంబయి ఫేమస్ 'వడా పావ్' అన్నా సరే అంతే ఇష్టమని వెల్లడించాడు. ఆ ఇష్టాన్ని పొగొట్టుకోలేక, ప్రస్తుత పరిస్థితుల్లో బయటకు వెళ్లి తినలేక ఆదివారం తన ఇంట్లోనే దానిని తయారు చేసుకున్నాడు. మాస్టర్ వంట చేసే సమయంలో అనుకోని అతిథి ఒకరు తన ఇంటికి వచ్చారని ఇన్స్టాలో తెలిపాడు. ఆ ఫొటోను అభిమానులతో పంచుకున్నాడు.
"నేను బాగా ఇష్టపడే చిరుతిళ్లలో వడా పావ్ ఎంతో ప్రత్యేకం. దాన్ని తయారు చేస్తున్నప్పుడు అనుకోని అతిథి వచ్చారు. అతడికి దీన్ని తినాలని అనిపించింది. ఆ సందర్శకుడే పిల్లి"