భారత దిగ్గజ క్రికెటర్ సచిన్ తెందూల్కర్, వెస్టిండీస్ దిగ్గజం బ్రియాన్ లారా మళ్లీ మైదానంలో సందడి చేయనున్నారు. రోడ్ సేఫ్టీ వరల్డ్ సిరీస్లో భాగంగా వచ్చే ఏడాది జరగనన్న టీ20 టోర్నీలో వీరిద్దరూ ఆడనున్నారు.
మరింత జోష్ కోసం...
ఈ టోర్నీలో మొత్తం ఐదు దేశాలు పాలుపంచుకుంటాయి. ఆస్ట్రేలియా, దక్షిణాఫ్రికా, శ్రీలంక, వెస్టిండీస్, భారత్‌కు చెందిన మాజీ క్రికెటర్లు మైదానంలో ఆడతారు. సచిన్, లారాతో పాటు మాజీ డాషింగ్ ఓపెనర్ వీరేంద్ర సెహ్వాగ్, ఆస్ట్రేలియా గ్రేట్ బౌలర్ బ్రెట్లీ, శ్రీలంక ఓపెనర్ దిల్షాన్, దక్షిణాఫ్రికా మాజీ క్రికెటర్ జాంటీ రోడ్స్ కూడా ఈ టోర్నమెంటులో కనువిందు చేయనున్నారు. వచ్చే ఏడాది భారత్ వేదికగానే ఫిబ్రవరి 2 నుంచి 16 వరకు ఈ టోర్నీ జరుగుతుంది.