టెస్టుల నిడివి ఐదు రోజుల నుంచి నాలుగు రోజులకు కుదించాలన్న ఐసీసీ ప్రతిపాదనను వ్యతిరేకించే వారి సంఖ్య రోజురోజుకు పెరుగుతోంది. విరాట్ కోహ్లీ, నాథన్ లియోన్, మెక్గ్రాత్ లాంటి ఆటగాళ్లు ఇప్పటికే ఈ విధానం పట్ల విముఖత చూపించగా.. తాజాగా సచిన్ కూడా ఆ జాబితాలో చేరాడు. ఎన్ని ఫార్మాట్లు వచ్చినా.. టెస్టులు క్రికెట్కు స్వచ్ఛమైన రూపమని అన్నాడు.
"కొత్త తరాన్ని ఆకర్షించడానికి ప్రతిదీ మార్చాల్సిన అవసరం లేదు. ‘‘అయిదో రోజు స్కఫ్డ్‌ బంతితో స్పిన్నర్లు అదరగొట్టాలని ప్రయత్నిస్తుంటారు. ఇదంతా టెస్టు క్రికెట్‌లో భాగం. స్పిన్నర్లకు ఉన్న ఈ సానుకూలాంశాన్ని తొలిగించాలనుకోవడం న్యాయమేనా? క్రికెట్‌లో వన్డేలు, టీ20లు, టీ10లు, 100 బాల్స్‌ ఫార్మాట్లు ఉన్నాయి. కానీ క్రికెట్‌లో సుదీర్ఘ ఫార్మాట్ స్వచ్ఛమైన రూపం. సంప్రదాయమైన ఈ ఫార్మాట్ నిడివిని తగ్గించకూడదు" - సచిన్ తెందూల్కర్
నాణ్యమైన పిచ్లపై ఐసీసీ దృష్టిసారించాల్సిందిగా మాస్టర్ అభిప్రాయపడ్డాడు.